ޕިއްޒާ ބޯނާ. (ދައުރު ފޮޓޯ/އަބްދުﷲ ރިޒާ)
ޕިއްޒާ ބޯނާ އިން ކުޑަކުދިންގެ ދުވަހަށް ކުރެހުމުގެ މުބާރާތެއް
މި މަހުގެ 10ގައި ފާހަގަކުރާ ކުޑަކުދިންގެ ދުވަހާ ދިމާކޮށް، ޕިއްޒާ ވައުޗަރު ލިބޭ ހަރަކާތެއް ޕިއްޒާ ބޯނާ އިން ފަށައިފި އެވެ.
ވީ ކިހިނެއް؟ - މި އަހަރުގެ ޖެނުއަރީ 1އަށް އުމުރުން 12 އަހަރު ނުފުރޭ ކުދިންނަށް އަމާޒުކޮށް ޕިއްޒާ ބޯނާ އިން ފެށީ 'މައި ޕިއްޒާ ބޮކްސް'ގެ ނަމުގައި އާޓް ޗެލެންޖެކެވެ.
ތަފްސީލް - ހުށަހަޅާ ކޮންމެ ކުރެހުމަކަށް ޕިއްޒާ ވައުޗަރެއް ލިބޭ މި ޗެލެންޖުގައި ކުރަންޖެހޭނެ ކަމަކީ ޕިއްޒާ ފޮއްޓަށް، ވީހާ ވެސް ކްރިއޭޓިވް ކުރެހުމެއް ފަރުމާކުރުމެވެ. ކޮންމެ ކުއްޖަކަށް ވެސް ގިނަވެގެން ހުށަހެޅޭނީ އެއް ކުރެހުމެވެ.
-
ކުރެހުން ހުށަހަޅަން ޖެހެނީ މާފަންނުގައި ހުންނަ ޕިއްޒާ ބޯނާ އައުޓްލެޓަށް ނޫނީ ހުޅުމާލޭ ދެ ވަނަ ފިޔަވަހިން ހިޔާ ޓަވަރު 15ގައި ހުންނަ ޕިއްޒާ ބޯނާ އައުޓްލެޓަށް
-
ކުރެހުމުގެ ސައިޒަކީ 12*12 އިންޗި
-
ކުރެހުމުގައި ފެންކުލަ، ކްރެޔޮން އަދި ޕެސްޓެލް ކުލަ ވެސް ބޭނުން ކުރެވިދާނެ؛ ޑިޖިޓަލް އާޓެއް ބަލައެއްނުގަންނާނެ
-
ކުރެހުން ހުށަހަޅަންޖެހެނެނީ މާދަމާ އިން ފެށިގެން މި މަހުގެ 10އާ ދެމެދު؛ ކުރެހުމުގެ ފަހަތުގައި ކުއްޖާގެ ނަމާއި އައިޑީ ކާޑު ނަންބަރު އަދި ބެލެނިވެރިޔާގެ ފޯނު ނަންބަރާއި މައުލޫމާތު ހިމަނަންވާނެ
ބުނީ ކީކޭ؟ - ޕިއްޒާ ބޯނާ އިން ބުނީ، މި ޗެލެންޖުގައި ބައިވެރިވާ ކޮންމެ ކުއްޖަކަށް ވެސް ޕިއްޒާ ބޯނާގެ ފަރާތުން ޕިއްޒާ ވައުޗަރެއް ދޭނެ ކަމަށެވެ. އަދި ފާހަގަކުރެވޭ ކުރެހުންތައް ޕިއްޒާ ބޯނާގެ އައުޓްލެޓްތަކުގައި ދައްކާލަން ބަހައްޓާނެ ކަމަށް ވެސް އެ ތަނުން ބުންޏެވެ.