ދިވެހި އިންޝުއަރެންސް އާ ޓެކާސް އާ ދެމެދު އެއްބަސްވުމުގައި ސޮއިކުރުން ފޮޓޯ/ޓެކާސް)
ޓެކާސް މުބާރާތްތަކުގެ ޓައިޓަލް ސްޕޮންސަރަކަށް ދިވެހި އިންޝުއަރެންސް
ޓެކާސް އިން މި އަހަރު ބާއްވާ ދެ މުބާރާތުގެ ޓައިޓަލް ސްޕޮންސަރަކަށް ދިވެހި އިންޝުއަރެންސް ހަމަޖައްސައިފި އެވެ.
ވީ ކިހިނެއް؟ - ޓެކާސް އާއި ދިވެހި އިންޝުއަރެންސް އާ ދެމެދު ޕާޓްނާޝިޕް އެއްބަސްވުމުގައި ސޮއިކޮށްފައިވާއިރު ޓެކާސް އިން މި އަހަރު ދެ މުބާރާތެއް ބާއްވަން ވަނީ ނިންމައިފަ އެވެ. އެއީ؛
-
ރިސޯޓު ކަޕް؛ މި އަހަރުގެ މުބާރާތުގައި އަށް އަތޮޅެއްގެ ރިސޯޓުތަކުން ވާދަ ކުރާނެ
-
ޓެކާސް ރާއްޖެ ކަޕް؛ މިއީ ޓެކާސް މޯލްޑިވްސް ކަޕްގެ ބަދަލުގައި ބާއްވާ މުބާރާތެއް
ތަފްސީލް - މި ޕާޓްނަޝިޕްގެ ދަށުން މަސައްކަތުގެ މާހައުލުގައި ދުވަހުން ދުވަހަށް ރަނގަޅު ކުރުމަށް މުހިންމު ދާއިރާތަކުގައި ފަރުދުން ތަރައްގީ ކުރުމަށް އެހީތެރިވުމަށް ކޯޕަރޭޓް ޓްރޭނިން ޕްރޮގްރާމްތައް ފޯރުކޮށްދޭނެ އެވެ.
ދިވެހި އިންޝުއަރެންސް އަކީ ޒަމާނީ އިންޝުއަރެންސް ކަވަރޭޖް ފޯރުކޮށްދީ، ކްލައިންޓުންގެ ބަދަލުވަމުން އަންނަ ބޭނުންތަކަށް ހިދުމަތް ދިނުމަށް އަބަދު ވެސް މަސައްކަތް ކުރާ ކުންފުންޏެކެވެ. ބައިނަލްއަގްވާމީ ފެންވަރުގައި ރީ އިންޝުއަރެންސް ކުރާ ފަރާތްތަކާއި ޕާޓްނަރުންނާ އެކު ގުޅުން ބަދަހިކުރުމަކީ ވެސް އެ ކުންފުނީގެ މަގުސަދެކެވެ.