މިފްކޯއި ން އަލަށް ތައާރަފްކުރި ފަސްމީރު ލައިފްސްޓައިލް މީލް ޕެކްތައް. (ދައުރު ފޮޓޯ)
މިފްކޯ އިން ރަހަމީރު މީލް ޕެކްތަކެއް ތައާރަފްކޮށްފި
ގަނެގެން ވަގުތުން ކެވޭ ގޮތަށް ތައްޔާރުކޮށްފައިވާ މީލް ޕެކްތަކެއް މިފްކޯ އިން ތައާރަފްކޮށްފި އެވެ.
ވީ ކިހިނެއް؟ - މިފްކޯ އިން އެ ޕެކްތައް ތައާރަފްކުރީ ހުޅުމާލޭ ސެންޓްރަލް ޕާކުގައި މިހާރު ކުރިއަށްދާ އެފްއެންބީ ޝޯގެ ތެރެއިންނެވެ.
ތަފްސީލް - މިފްކޯގެ މި މީލް ޕެކްތަކަކީ 5 މިނެޓަށް މައިކްރޮވޭވް ކޮށްލުމަށް ފަހު ކެވޭ ގޮތަށް ތައްޔާރުކޮށްފައިވާ އުފެއްދުމެކެވެ. މީލް ޕެކްތަކުގައި ތަފާތު ފަސް ބާވަތެއް ހިމެނެ އެވެ. އެއީ:
-
މަސްބަތް
-
ޓޫނާ ވިތު ކަންކުން އެންޑް ސްޕިނެޗް ރައިސް
-
ޓޫނާ އިން ބާބަކިއު ސޯސް
-
ޓޫނާ ވިތު އޮބާޖީން
-
ޓޫނާ އިން ހޮޓް ބަޓާ ސޯސް
މިއަދުން ފެށިގެން މިފްކޯ ފަސްމީރު ފިހާރަތަކުން މީލް ޕެކްތައް ގަންނަން ލިބޭނެ އެވެ. އެ ޕެކްތަކުގެ އަގުތައް ހުންނާނީ 60-80ރ.އާ ދެމެދުގަ އެވެ.
-
މިއީ ޕްރިޒަވޭޓިވް ކެމިކަލްތަކާ ނުލައި ތައްޔާރުކޮށްފައިވާ މަހުގެ 'ރެޑީ-ޓު-އީޓް' މީލް ޕެކްތަކެއް
-
މި ޕެެކްތަކުގައި ހިމެނޭނީ ބަތް، ކަނޑުމަސް އަދި ތަރުކާރީގެ ބާވަތްތައް
-
ބިޒީކޮށް އުޅެމުން ވެސް ރަހަމީރު ކެއުމެއް ކާލެވޭނެ
އެފްއެންބީ ޝޯ މިރޭ ނިންމާލާއިރު، އެ އެކްސްޕޯގައި ހުންނަ މިފްކޯގެ ސްޓޯލަށް ޒިޔާރަތްކުރުމުން މި މީލް ޕެކްތަކުގެ ރަހަ ބަލައިލުމުގެ ފުރުސަތު ލިބޭނެ އެވެ.