ޕެންޝަން އޮފީހުގެ ސީއީއޯއަކަށް ހަމަޖެއްސި ސުޖާތާ: އޭނާ ހުންނެވީ ޕެންޝަން އޮފީހުގެ އެކްޓިން ސީއީއޯގެ މަގާމުުގައި
ޕެންޝަން އޮފީހުގެ އެކްޓިން ސީއީއޯ ސުޖާތާ ސީއީއޯއަކަށް ހަމަޖައްސައިފި
ޕެންޝަން އޮފީހުގެ އެކްޓިން ސީއީއޯގެ މަގާމުގައި ހުންނެވި ސުޖާތާ ހަލީމް އެ އޮފީހުގެ ސީއީއޯގެ މަގާމަށް އައްޔަންކޮށްފި އެވެ.
އެނގުން މުހިންމު - ޕެންޝަން އޮފީހުގެ ސީއީއޯއަކަށް ހުންނެވި އިނގިރޭސި ރައްޔިތެއް ކަމަށްވާ، ޖޯން ގްރިންޑަލް 13 އޮކްޓޯބަރު 2021ގައި މަގާމުން ވަކިކުރި ފަހުން އެ އޮފީހުގައި ސީއީއޯގެ މަގާމު އޮތީ ހުސްކޮށެވެ.
ވީ ކިހިނެއް؟ - މުވައްޒަފުންގެ ޕެންޝަން ފައިސާގެ ޖަމާކުރާ ފަންޑުގެ ބެލެނިވެރި ފަރާތް، ޕެންޝަން އޮފީހުން ބުނި ގޮތުގައި އެ އޮފީހުގެ ސީއީއޯގެ މަގާމަށް ފަސް އަަހަރުގެ މުއްދަތަށް ސުޖާތާ އައްޔަން ކުރަން ޕެންޝަން އޮފީހުގެ ބޯޑުން އިއްޔެ ނިންމާފައިވާ ކަމަށެވެ.
ސުޖާތާގެ ތައާރަފް
-
އެކްޓިން ސީއީއޯގެ ހައިސިއްޔަތުން ޕެންޝަން އޮފީސް ހިންގެވުމުގެ ޒިންމާ ދެ އަހަރަށްވުރެ ދިގު މުއްދަތެއް ވަންދެން އަދާކުރެއްވި
-
2015 ވަނަ އަހަރުން ފެށިގެން ޕެންޝަން އޮފީހުގެ ޗީފް އޮޕަރޭޓިން އޮފިސާ (ސީއޯއޯ)ގެ މަގާމު ފުރުއްވި
-
ދެމެހެއްޓެނިވި އަދި ޒަމާނީ ޕެންޝަން ނިޒާމެއް ތަޢާރަފު ކުރުމަށް ކުރެވުނު މަސައްކަތްތަކުގެ އެންމެ ކުރީ ސަފުގައި މެދުނުކެނޑި 16 އަހަރު ހިދުމަތް ކުރެއްވި
-
ވޯލްޑް ބޭންކުން ރާއްޖޭގައި ކުރިއަށް ގެންދިޔަ ޕެންޝަން އެންޑް ސޯޝަލް ޕްރޮޓެކްޝަން އެޑްމިނިސްޓްރޭޝަން ޕްރޮޖެކްޓް ހިންގެވި
-
ޕެންޝަނާބެހޭ ގާނޫނު އެކުލަވާލުމަށް ކުރި މަސައްކަތުގައި އަދި އެ ގާނޫނު ތަންފީޒު ކުރުމުގައި އިސް ދައުރެއް އަދާކުރެއްވި
ބުނީ ކީކޭ؟ - ސުޖާތާ ސީއީއޯއަކަށް އައްޔަން ކުރުމާ ގުޅިގެން ޕެންޝަން އޮފީހުން ބުނީ ޕެންޝަން އޮފީހުގެ ބޯޑުން އުންމީދު ކުރަނީ ސުޖާތާ އިސްނެންގެވުމުގެ ދަށުން ޕެންޝަން އޮފީސް އިތުރު ހަރުފަތަކަށް ގެންދިއުމަށްޓަކައި، ކާމިޔާބު މަސައްކަތްތަކެއް ކުރެވޭނޭ ކަމަށެވެ.
އެނގުން މުހިންމު - ޕެންޝަން އޮފީހުގެ ޗެއާޕާސަން ކަމަށް ވެސް ކުރީގެ ފިނޭންސް މިނިސްޓަރު ޑރ. އަހުމަދު އިނާޒް ވަނީ މިއަހަރުގެ ޖޫން މަހު ހަމަޖައްސައިފަ އެވެ.
ކޮމެންޓް (1)
އިއްކޮ