އެމްޑީޕީ ތަމްސީލުކުރާ ރައީސަކަށް ޕްރައިމަރީއަކާ ނުލާ ޓިކެޓު ދޭން ހުށަހަޅާނަން: ނިޒާރު

އެމްޑީޕީގެ ފަރާތުން އޭރަކު ވެރިކަމުގައި ހުންނަވާ ބޭފުޅަކަށް ދެ ވަނަ ދައުރަކަށް އެ ޕާޓީގެ ރިޔާސީ ޓިކެޓު ޕްރައިމަރީއަކާ ނުލާ ލިބޭނެ ގޮތް ހަދަން އެމްޑީޕީގެ ކޮންގްރެސްއަށް ހުށަހަޅުއްވާނެ ކަމަށް އައްޑޫގެ މޭޔަރު އަލީ ނިޒާރު މިރޭ ވިދާޅުވެއްޖެ އެވެ.

ވީ ކިހިނެއް؟ - ނިޒާރު އެ ގޮތަށް ވިދާޅުވީ، އެމްޑީޕީގެ ޕްރައިމަރީގައި ވާދަކުރައްވާ ރައީސް އިބްރާހީމް މުހައްމަދު ސޯލިހުގެ ކެމްޕެއިން ނިންމާލުމުގެ ގޮތުން މިރޭ އައްޑޫ ހިތަދޫގައި ބޭއްވި ޖަލްސާގައި ވާހަކަދައްކަވަމުންނެވެ. 

އެނގުން މުހިއްމު - އަންނަ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ ރައީސް ސޯލިހާއި އެމްޑީޕީގެ ރައީސް މުހައްމަދު ނަޝީދެވެ. ދެ ބޭފުޅުން ގެންދަވަނީ ވާދަވެރިކަމާއި ފޯރިއާ އެކު ކެމްޕޭނުކުރައްވަމުންނެވެ. ނަޝީދުގެ ކެމްޕެއިން ނިންމާލުމުގެ ޖަލްސާ ބޭއްވީ މިރޭ މާލޭ އާޓިފިޝަލް ބީޗުގަ އެވެ. 

ބުނީ ކީކޭ؟ - އެ ޖަލްސާގައި ވާހަހަކަދައްކަވަމުން ނިޒާރު ވިދާޅުވީ ޕާޓީގެ ހިންގުމަށާއި އުސޫލުތަކަށް ބަދަލު ގެންނަން ޖެހޭ ކަމަށެވެ. އެގޮތުން، ޕާޓީގެ ފަރާތުން ވެރިކަމުގައި ހުންނަވާ ބޭފުޅަކަށް ޕްރައިމަރީއަކާ ނުލާ ދެ ވަނަ ދައުރަކަށް ކުރިމަތިލެވޭ ގޮތަށް ޕާޓީގެ ޓިކެޓު ލިބޭ ގޮތް ހެދުމަކީ ބޭނުންތެރިކަމެއް ކަމަށް އޭނާ ވިދާޅުވި އެވެ.

ރައީސަކަށް ހުންނަވާ ބޭފުޅަކަށް ޕްރަިއމަރީއަކާ ނުލާ ޕާޓީގެ ޓިކެޓު ލިބޭ ގޮތް ހެދުން މުހިންމުވާ ސަބަބަބެއްގެ ގޮތުގައި ނިޒާރު ވިދާޅުވީ، ޕާޓީގެ އެތެރޭގައި އުފެދޭ ވާދަވެރިކަން ކުޑަކުރުމަށެވެ. ރައީސް ސޯލިހާއި ނަޝީދާ ދެ ބޭފުޅުންގެ މެދުގައި އުފެދިފައިވާ ވާދަވެރިކަމަށް އިޝާރާތްކުރައްވަމުން އޭނާ އެކަން ސިފަކުރެއްވީ ވެސް "ފިތުނައެއް"ގެ ގޮތުގަ އެވެ. 

"މި ގޮތަށް ޕާޓީގެ ތެރޭގައި ބޭކާރު ވާދަވެރިކަން، ފިތުނަވެރިކަމެއްގެ ތެރޭގައި ކޮންމެހެން ކުރަން ޖެހޭ ކަމެއްގެ ގޮތުގައި އަޅުގަނޑު ނުދެކެން. މި ބަދަލު ގެންނަން ދެން އަންނަ ކޮންގްރެސްގައި ހުށަހަޅާނަން،" ނިޒާރު ވިދާޅުވި އެވެ.

އެނގުން މުހިއްމު - އެމްޑީޕީގެ އަސާސީ ގަވައިދުގައި މިހާރު އޮތް ގޮތުން، ރިޔާސީ އިންތިހާބުގައި އެ ޕާޓީން ވާދަކުރާ ކެންޑިޑޭޓަކު ހޮވަން ޖެހޭނީ ޕާޓީގެ މެންބަރުންގެ މެދުގައި ބާއްވާ ޕްރައިމަރީއަކުންނެވެ.   

ރައީސް ސޯލިހަށް ތާއީދުކުރައްވާ ބައެއް ބޭފުޅުން ވަނީ މީގެ ކުރިން ވެސް ރައީސް ސޯލިހަށް ޕްރައިމަރީއަކާ ނުލާ ޕާޓީގެ ޓިކެޓު ލިބޭ ގޮތް ހަދަން ތާއީދުކުރާ މޭރުމުން ވާހަކަދައްކަވާފަ އެވެ. އެގޮތުން، ޕްރައިމަރީގެ ކެމްޕެއިނަށް ރައީސް ސޯލިހާ އެކު ނ. ކެނދިކުޅުދުއަށް ވަޑައިގެން އެ ދާއިރާގެ މެމްބަރު އަހުމަދު އީސަ ވިދާޅުވީ:

.