ރައީސްގެ ދެކުނު ދަތުރު ނިންމަވާލައްވައި މާލެ ވަޑައިގެންފި

ފުވައްމުލަކާއި އައްޑޫ އަށް ކުރެއްވި ހަތަރު ދުވަހުގެ ދަތުރުފުޅު ނިންމަވާލެއްވުމަށްފަހު ރައީސް އިބްރާހިމް މުހައްމަދު ސޯލިހު މިއަދު މާލެ ވަޑައިގެންފި އެވެ.

ވީ ކިހިނެއް؟ - ރަސްމީ ދަތުރުފުޅެއްގައި ރައީސް މާލެއިން ފުރާވަޑައިގަތީ މިދިޔަ ހުކުރު ދުވަހު އެވެ. އެ ދަތުރުފުޅުގައި އަނބިކަނބަލުން ފަޒްނާ އަހްމަދާއި ވަޒީރުންނާއި ސަރުކާރުގެ ބައެއް އިސްވެރިން ބައިވެރިވެ ވަޑައިގެންނެވި އެވެ.

ތަފްސީލް - ރައީސްގެ ދަތުރުފުޅުގައި ފުރަތަމަ ވަޑައިގަތީ ފުވައްމުލަކަށެވެ. އައްޑޫއަށް ވަޑައިގަތީ އިއްޔެ އެވެ. މި ދަތުރުގައި ރައީސްގެ ދެކނަބަލުންގެ ފަރާތުން އައްޑޫ އަދި ފުވައްމުލަކުގެ ރައްޔިތުންނަށް ވަނީ މާހެފުމެއް ދެއްވައިފަ އެވެ.

އެ މާހެފުމުގައި، އައްޑޫ އާއި ފުވައްމުލަކުގެ ތަރައްގީއަށް ރާވާފައި ހުރި ކަންކަމާއި މިހާރު ކުރިއަށްދާ މުހިންމު މަޝްރޫއުތަކެއްގެ މައުލޫމާތު ހިއްސާކުރެއްވި އެވެ. ރައީސް ވަނީ ސިޓީ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެމްބަރުންނާ ވެސް ބައްދަލުކުރައްވައިފަ އެވެ.

ރައީސްގެ ދަތުރުފުޅުގެ އުސްއަލިތައް:

ހަމައެއާއެކު އައްޑޫ އަދި ފުވައްމުލަކުގައި ކުރިއަށްދާ ތަރައްގީގެ ބައެއް މަޝްރޫއުތައް ކުރިއަށްދާގޮތް ވެސް ރައީސް ބައްލަވައިލެއްވި އެވެ.