އައިޖީއެމްއެޗުގެ ކުރިމަތިން ބަޔަކު ހިނގާފައި ދަނީ. (ދައުރު ފޮޓޯ/އަބްދުﷲ އިޔާން)
ރޭގެ ހަމަލާގައި ޒަހަމްވި މީހާ އޮތީ ވެންޓިލޭޓަރުގައި
މާލޭ ފިހާރައެއްގެ ތެރޭގައި ވަޅިން ހަމަލާދީ ރޭ ޒަހަމްކޮށްލި މީހާ އޮތީ ވެންޓިލޭޓަރުގައި ކަމަށް އައިޖީއެމްއެޗުން މިއަދު ބުނެފި އެވެ.
ވީ ކިހިނެއް؟ - މާފަންނު މުރަނގަމަގުގައި ހުންނަ، ކޮސްމެޓިކްސް ވިއްކާ 'ކްރާސާ' ފިހާރައިގެ ތެރޭގައި ރޭ 10 ޖަހާކަންހާއިރު ދިން ހަމަލާތަކުގައި ޒަހަމްވީ 30 އަހަރުގެ ދިވެހި ފިރިހެނެކެވެ.
-
އިތުރަށް ކިޔާލަން - މާލޭ ފިހާރައެއް ތެރޭ މީހެއްގެ ގަޔަށް ވަޅި ހަރައި ޒަހަމްކޮށްލައިފި
ތަފްސީލް - އައިޖީއެމްއެޗުގެ ތަރުޖަމާނަކު މިއަދު ވިދާޅުވީ އެ މީހާއަށް ފަރުވާ ދެމުން އަންނަނީ އެ ހޮސްޕިޓަލުގެ އައިސީޔޫގައި ވެންޓިލޭޓަރުގައި ކަމަށެވެ. ނަމަވެސް އިތުރު ތަފްސީލެއް އޭނާ ނުދެއްވަ އެވެ.
-
ޒަހަމްވި މީހާ ފިހާރައިގެ ތަޅުންގަނޑު މައްޗަށް ވެއްޓި ހަރަކާތެއް ނެތިފައި އޮތް އިރު ގައިގެ އެ ތަން މި ތަނުން ވަރަށް ބައިވަރު ލޭ އައިސްފައި ހުރި މަންޒަރު ފެންނަ ފޮޓޯތަކެއް ވަނީ އާއްމުވެފައި
-
އެ މީހާއަށް އެހީތެރިވާން އާއްމުންގެ ބަޔަކު އަވަސްވެ ގަންނަ މަންޒަރު، 'ދައުރު'އަށް ލިބިފައިވާ ވީޑިއޯއަކުން ފެނޭ
-
ބިދޭސީއަކު، އެ ތަނުގައި ހުރި މީހެއްގެ ޓީޝާޓު ބާލުވައި އޭތި ޒަހަމްވި މީހާގެ ގައިގައި އޮޅާލާ
މަންޒަރު ދުށް ދެ މީހަކު 'ދައުރު'އަށް ރޭ ކިޔައިދިން ގޮތުގައި، މި ހަމަލާ ދިނީ ހެލްމެޓް އަޅައިގެން ތިބެ ފިހާރައަށް ވަތް ދެ މީހެކެވެ.