ރޭ ސިނަމާލެ ބުރިޖުގައި ހިނގި އެކްސިޑެންޓްގައި އަނިޔާވި ޒުވާނާ މަރުވެއްޖެ

ރޭގެ ވަގުތެއްގައި ސިނަމާލެ ބުރިޖުގައި ހިނގި އެކްސިޑެންޓެއްގައި އަނިޔާވި ޒުވާނަކު މިއަދު މަރުވެއްޖެ އެވެ.

ވީ ކިހިނެއް؟ - އެ އެކްސިޑެންޓުގައި މަރުވީ ހައިކަލް އިސްމާއިލް، 21، ސ. ހުޅުދޫ، ސޯސަން އެވެ. އޭނާ މަރުވީ ލިބުނު އަނިޔާތަކަށް އޭޑީކޭ ހޮސްޕިޓަލްގައި ފަރުވާ ދެމުންދަނިކޮށް، މިއަދުގެ ވަގުތެއްގަ އެވެ.

ތަފްސީލު - ފުލުހުން ބުނީ ހުޅުމާލެއިން މާލެއަށް ސައިކަލްގައި ބާރު ސްޕީޑުގައި ދުއްވާފައި ދަނިކޮށް އެކްސިޑެންޓެއް ހިނގި ކަމުގެ މައުލޫމާތު ލިބުނީ ރޭ 7:57 ހާއިރު ކަމަށެވެ.

ހައިކަލްއަށް އަނިޔާވީ، ފުލުހުން ބުނި ގޮތުގައި، ބާރު ސްޕީޑުގައި ދަނިކޮށް ބެލެންސް ކަޓައި، ވެއްޓިގެންނެވެ.

އޭނާގެ މައްޗަށް ކަށުނަމާދު ކުރުން އޮންނާނީ މިރޭ 11 ޖަހާއިރު، މާލޭ އާ ސަހަރާ މިސްކިތުގަ އެވެ.