ބޮޑު ހަރަދުކޮށްގެން ބާއްވާ ބައި-އިލެކްޝަންތަކުގައި ވޯޓު ލަނީ މަދު ބައެއް؛ އަނެއްކާވެސް އީސީގެ ކަންބޮޑުވުން

އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ) އަށް މެމްބަރުން ހޮވުމަށް ފުލުފުލުގައި ބައި-އިލެކްޝަންތައް ބާއްވަން ޖެހުމުގެ ސަބަބުން ހަރަދު ބޮޑުވެފައި ވާއިރު، އެ ބައި-އިލެކްޝަންތަކަށް ލިބޭ ތަރުހީބު ކުޑަވުމުން އިލެކްޝަންސް ކޮމިޝަން (އީސީ)ން އަނެއްކާވެސް ކަންބޮޑުވުން ފާޅުކޮށްފި އެވެ.

މައްސަލައިގެ ފެށުން - އަންހެނުންގެ ކޮމިޓީތަކުގެ މެންބަރުކަމުގެ މަގާމެއް ހުސްވުމާ އެކު، ކޮންމެ ފަހަރަކު އެ މަގާމަށް މީހަކު އިންތިހާބު ކުރުމަށް ބައި-އިލެކްޝަންތައް ވަރަށް ގިނައިން ބާއްވަން ޖެހި، ކުރަން ޖެހޭ ހަރަދު ބޮޑުވުމުގެ ޝަކުވާ އީސީން މީގެ ކުރިން ރައްޔިތުންގެ މަޖިލީހުގައި ވަނީ ކޮށްފަ އެވެ. ބައި-އިލެކްޝަންތަކުގައި ވޯޓުލުމުގެ ހައްގު ގިނަ ބަޔަކަށް ލިބުނަސް، ގިނަ މީހުން ވޯޓު ލާކަށް ނުދެ އެވެ. އެހެންވެ، އެއީ ބޭކާރު ހަރަދެއް ކަމަށް އީސީން ގަބޫލުކުރެ އެވެ.

އެނގުން މުހިއްމު - އިއްޔެ ދެ ދާއިރާއެއްގެ އަންހެނުންގެ ކޮމިޓީގެ ދެ ގޮނޑިއަކަށް މީހުން އިންތިހާބުކުރަން އީސީން ބައި-އިލެކްޝަން ބޭއްވި އެވެ. އޭގެ ތެރެއިން އައްޑޫ ހިތަދޫގެ ބައި-އިލެކްޝަންގައި:

ބުނީ ކީކޭ؟ - އީސީގެ ނައިބު ރައީސް އިސްމާއީލް ހަބީބު އިއްޔެ ކުރެއްވި ޓުވީޓުގައި ވެސް ވަނީ އައްޑޫ ހިތަދޫގެ ބައި-އިލެކްޝަންގައި ވޯޓު ލީ މީހުންގެ އަދަދު މަދުކަން ފާހަގަކުރައްވާފަ އެވެ. އޭނާ ވިދާޅުވީ ބައި-އިލެކްޝަންތަކުގައި ވޯޓު ލާ މީހުން މަދު އިރު، ކޮންމެ އިންތިހާބަކަށް ލައްކައިން ހަރަދުކުރުމަކީ ބޮޑު އިސްރާފެއް ކަމަށެވެ. އަދި އެކަމަށް އަވަސް ހައްލެއް ގެނައުމަށް އޭނާ މަޖިލީހަށް ގޮވާލެއްވި އެވެ.

އެނގުން މުހިއްމު - ގާނޫނު ބުނާ ގޮތުން:

އެކަން ހައްލު ކުރުމަށް ސަރުކާރު ކޯލިޝަންގައި ހިމެނޭ މައި ޕާޓީ، އެމްޑީޕީން ވަނީ ބައި-އިލެކްޝަންތައް އަހަރަކު އެއް ފަހަރު ބާއްވާ ގޮތަށް ހަދައި، ކޯރަމް ގެއްލޭ ހާލަތުގައި ދެ މަސްދުވަހުގެ ތެރޭގައި އިންތިހާބު ބާއްވާ ގޮތަށް ލާމަރުކަޒީ ގާނޫނަށް އިސްލާހު ހުށަހަޅާފަ އެވެ. ބައި-އިލެކްޝަންތަކާ ގުޅޭ ކަންކަން ކުރާނީ އީސީގެ އިރުޝާދުގެ ދަށުން، އެ ކޮމިޓީއެއް ނިސްބަތްވާ އަތޮޅު ކައުންސިލަކުން ކަމަށް ވެސް އެ އިސްލާހުގައި ބުނެފައިވެ އެވެ.

ގުޅުން ހުރި ކަމެއް - މީގެ ކުރިން އީސީން މަޖިލީހަށް ފޮނުވި ސިޓީއެއްގައި ބުނެފައިވަނީ: