ޗަނާޗާ: 999ރ.ގެ ވީއައިޕީ ޓިކެޓާ އެކު ޔޮހާނީއާ ބައްދަލުކުރެވޭނެ

އަންނަ ހޮނިހިރު ދުވަހު ބައިސްކޯފުން އިންތިޒާމްކޮށްގެން ހުޅުމާލޭ ޓްރެކް ދަނޑުގައި ބާއްވާ 'ޗަނާޗާ' މިޔުޒިކް ޝޯއަށް ވީއައިޕީ ޓިކެޓް ގަނެގެން ވަންނަ މީހުންނަށް ސްރީ ލަންކާގެ މަޝްހޫރު ލަވަކިޔުންތެރިޔާ ޔޮހާނީ ޑިލޯކާ ޑިސިލްވާއާ ބައްދަލުކޮށްލުމުގެ ފުރުސަތު ލިބޭނެ ކަމަށް ބައިސްކޯފުން ބުނެފި އެވެ.

މިއީ ޔޮހާނީގެ ފޭނުންނަށް ބައިސްކޯފުން ހުޅުވާލާ ފުރުސަތެކެވެ. ވީއައިޕީ ޓިކެއްޓެއްގެ އަގަކީ 999 ރުފިޔާ އެވެ. މިއީ ވަކި އަދަދަކަށް ވިއްކާ ޓިކެޓެކެވެ.

ބައިސްކޯފުން ބުނީ ވީއައިޕީ ޓިކެޓު ގަނެގެން ޝޯ ބަލަން ދާ މީހުންނަށް ދަނޑުގައި ހާއްސަ އިންތިޒާމްތަކެއް ވެސް ހަމަޖައްސާފައި އޮންނާނެ ކަމަށެވެ.

"ޝޯ ބަލަން ތިބޭނީ ހާއްސަ ތަނެއްގައި. ޔޮހާނީއާ ބައްދަލުކޮށް ސެލްފީއެއް ނެގުމުގެ ފުރުސަތު ލިބޭނެ. އޭގެ އިތުރުން، ޗަނާޗާ ޝޯގެ ހާއްސަ ޓީޝާޓެއް ވެސް ލިބޭނެ،" ބައިސްކޯފުގެ އޮފިޝަލަކު ބުންޏެވެ.

ހަވީރާއި ރޭގަނޑު ކުރިއަށް ދާ މި ބޮޑު މިޔުޒިކް ޝޯގައި ޔޮހާނީގެ ލައިވް ހުށެހެޅުން އޮންނަނީ ރޭގަނޑުގެ ބައިގަ އެވެ.

ޝޯ އޮންނާނީ ހޮނިހިރު ދުވަހުގެ ހަވީރު 4 އިން ހަވީރު 6 އަށް އަދި އެ ރޭ 8 އިން 12 އަށެވެ.

ޝޯގެ އާންމު ޓިކެޓެއްގެ އަގަކީ 150 ރުފިޔާ އެވެ.

ޝޯގައި ޔޮހާނީގެ އިތުރުން ދިވެހި ނުވަ ބޭންޑެއް ފެންނާނެ އެވެ. އޭގެ ތެރޭގައި ހިމެނެނީ:

ބޭންޑްތަކުން މި ޝޯއަށް ފޯރިއާ އެކު ތައްޔާރުވަމުން އަންނަ އިރު ދިވެހި އާ ލަވަތަކެއް ވެސް ޝޯގައި ކުޅޭނެ އެވެ. 

ޓިކެޓް ގަނެގެން ޝޯއަށް ވަންނަ މީހުންގެ ތެރެއިން ގުރުއަތުން ހޮވޭ މީހަކަށް ލޮޓަސް ބައިކް އިން ބެނެލީ ބްރޭންޑްގެ 'ޕެނެރީ' މޮޑެލްގެ ރެޓްރޯ ސްކޫޓަރު ސައިކަލެއް ލިބޭނެ އެވެ.