ސަލްމާން މިސްކިތުގެ އޭސީތައް ހަލާކުވެ، ހޫނުވާތީ ޝަކުވާ ބޮޑުވެއްޖެ

މީގެ ހަތް މަސް ކުރިން ހުޅުވި، ރާއްޖޭގެ އެންމެ ބޮޑު މިސްކިތް ކަމަށްވާ ސަލްމާން މިސްކިތުގެ ބައެއް އޭސީތައް ހަލާކުވެ، އުނދަގޫތަކާ ކުރިމަތިލާން ޖެހިއްޖެ އެވެ.

ވީ ކިހިނެއް؟ - އެ މިސްކިތަށް ނަމާދަށް ދާ މީހުންގެ މިހާރު އެންމެ ބޮޑު ޝަކުވާއަކީ، އެ ތަން މާ ބޮޑަށް ހޫނުވުމެވެ. އޭސީ ހަލާކުވެފައި ހުންނަތާ ގިނަ ދުވަސްތަކެއް ވެފައި ވާއިރު، މިސްކިތުގެ އެތެރެ ހޫނުކަމުން ބައެއް މީހުން އެ ތަން ސިފަކުރީ "އަވަނެއް"ގެ ގޮތަށެވެ.

ހަ ފަންގިފިލާއަކަށް ހުންނަ ސަލްމާން މިސްކިތުގެ ދެ ބައެއް ނަމާދު ކުރަން ބޭނުން ކުރެ އެވެ. އެއީ:

ބުނީ ކީކޭ؟ - އިސްލާމިކް މިނިސްޓްރީގެ ތަރުޖަމާނު އިސްމާއީލް އަފްރާހު ވިދާޅުވީ ނަމާދު ކުރާ ދެ ބަޔަށް ފިނިކުރާ އޭސީގެ ތިން ޔުނިޓް ވެސް ހަލާކުވެފައި ހުންނަތާ ހަފުތާއެއްހާ ދުވަސް ވެއްޖެ ކަމަށެވެ. އޭގެ ސަބަބުން އެ ތަނަށް ފިނި ނުވެ، މީހުންގެ ޝަކުވާ ވެސް ލިބެމުންދާ ކަމަށް އޭނާ ވެސް އެއްބަސްވެވަޑައިގަތެވެ.

"މިއިން ކޮންމެ ފްލޯއެއްގައި ވެސް ފިނިކުރަން ހުންނާނީ ދެ އޭސީ ޔުނިޓް. އޭގެ ތެރެއިން އެއް ފްލޯގައި ހުރި ދެ ޔުނިޓް އެއްކޮށް ހަލާކުވެފައި ހުރި އިރު، އަނެއް ބައިގައި ހުރި އެއް އޭސީ ވެސް ވަނީ ހަލާކުވެފައި،" އަފްރާހު ވިދާޅުވި އެވެ.

އޭނާ ވިދާޅުވި ގޮތުގައި:

"އަންނަ އަންގާރަ ދުވަހު އެ މީހުން މާލެ އައުމަށް ވަނީ ހަމަޖެހިފައި،" އަފްރާހު ވިދާޅުވި އެވެ.

"އޭރުން ވަގުތީ ހައްލެއް ލިބޭނެ ކަމަށް ބެލެވޭ. ދާއިމީ ހައްލެއް ހޯދުމަށް ދަނީ މަސައްކަތް ކުރަމުން."

ނަމާދުކުރުމުގެ އިތުރުން ދީނީ އެކި ޕްރޮގްރާމްތަކާއި ރަސްމިއްޔާތުތަކާއި ސެމިނާ ހޯލްތަކާއި ކްލާސްރޫމްތައް ހިންގޭ ގޮތަށް ހަދާފައި ހުރި ކިންގް ސަލްމާން މިސްކިތް ބެލެހެއްޓުމަކީ ބޮޑު ހަރަދެއް ހިނގައި، ގޮން ޖެހުން ބޮޑު މަސައްކަތަކަށް ވާނެ ކަމަށް، އިސްލާމިކް މިނިސްޓަރު ޑރ. އަހުމަދު ޒާހިރު އަލީ ވަނީ މިދިޔަ އަހަރު ވަނީ ވިދާޅުވެފަ އެވެ. 

އެގޮތަށް އޭނާ ވިދާޅުވީ މިސްކިތް ހުންނަ ސަރަހައްދަކީ ވަރަށް ބޮޑަށް އުދަ އަރާ ހިސާބަކަށް ވެފައި، އޭގެ ސަބަބުން ލޮނުގެ އަސަރުކޮށް، ތަނުގެ އާލާތްތަކަށް ގެއްލުން ލިބޭނެތީ އެވެ.