ކުރިން ލިބިފައިވާ އިންޒާރަކާ ހެދި މޭ 6ގެ ޝަރީއަތުން ގާޒީއަކު ވަކިވެއްޖެ

• ޔާމީން ރަޝީދުގެ މައްސަލައިގައި ދައުވާކުރި ޝިފާޒަކީ، ގާޒީ އާދަމްއަށް އިންޒާރުދިން އިސްހާގުގެ ދަރިފުޅުގެ ބޮޑުބޭބެ އަދި އިޝްހާގުގެ އެއްބަނޑު އެއްބަފާ މީހެއް 

• ޝިފާޒް އާއި އިސްހާގު އަދި އޭނާގެ ދަރިއަކީ އާއިލީ ގުޅުން އޮތް ބަޔަކަށް ވާއިރު، އިސްހާގުގެ ފަރާތުން މިއަދު ފޮނުވި ސިޓީގައި ބުނީ އޭނާގެ ދަރިއަކު އިންޒާރު ދީފައިވާތީ ގާޒީ އާދަމް މި މައްސަލަ ބެލުމަކީ މަސްލަހަތު ފުށޫ އަރާނެ ކަމެއް ކަމަށް

މައްސަލައިގެ ހުލާސާ:

• ހަމަލާ ދިނުމުގައި އަމަލީ ގޮތުން އުޅުނު އަދުހަމް އަހުމަދު ރަޝީދު އިއުތިރާފްވެ ދައުލަތާ އެކު އެއްބަސްވުމެއް ހެދުމުން ލުއި އަދަބެއް ދީ 23 އަހަރަށް ވަނީ ޖަލަށްލާފައި

• އަދުހަމްގެ ހެކިބަސް މުހިންމު ހެއްކަކަށްވާ މި މައްސަލައިގައި ދެން ތިބިި މީހުންގެ ޝަރީއަތް ދަނީ ކުރިއަށް؛ އެ މީހުންގެ މައްސަލައިގައި މިހާރު އޮތީ ޝަރީއަތުގެ މަރުހަލާ ފަށަން ތައްޔާރުވެފައި

• ތަހުމީން އަހުމަދު (ފޮޅޭމާ/ގއ. ކޮނޑޭ): ޓެރަރިޒަމްގެ އަމަލެއް ކުރުމުގައި ބައިވެރިވުމުގެ ދައުވާ، ގޮވާތަކެތި އެހެން ތަނަކަށް ގެންދިއުމަށް އެހީތެރިވެދިނުމުގެ ދައުވާ އަދި ޓެރަރިސްޓް ޖަމާއަތަކަށް ތާއިދުކުރުމުގެ ދައުވާ

• މުޖާޒު އަހުމަދު (މއ. ފޭރުގެ/ކ. މާލެ): ޓެރަރިޒަމްގެ އަމަލެއް ކުރުމަށް ރޭވުމުގެ ދައުވާ އަދި ކުށެއްކޮށްފައިވާ މީހަކު ފިލުވުމަށް އެހީތެރިވެދިނުމުގެ ދައުވާ

• އަލީ ހައިޝަމް (ނޫރީގެ/ނ. މަނަދޫ): ޓެރަރިޒަމްގެ އަމަލެއް ކުރުމަށް ރޭވުމުގެ ދައުވާ، ގޮވާ ތަކެތި އެހެން ތަނަކަށް ގެންދިއުމަށް އެހީތެރިވެދިނުމުގެ ދައުވާ އަދި ޓެރަރިޒަމްގެ އަމަލެއް ހިންގުމުގައި ބައިވެރިވުމުގެ ދައުވާ

• އިސްހާގު (މއ. ކުދެހިގެ/ކ.މާލެ): ގޮވާތަކެތި އެހެން ތަނަކަށް ގެންދިއުމުގެ ދައުވާ، ޓެރަރިޒަމްގެ އަމަލެއް ކުރުމަށް ރޭވުމުގެ ދައުވާ އަދި ޓެރަރިޒަމްގެ އަމަލެއް ހިންގުމުގައި ބައިވެރިވުމުގެ ދައުވާ

• ފަހުމީ އަލީ (ހުދުރުވާގެ/ގއ. ވިލިނގިލި): ޓެރަރިޒަމްގެ އަމަލެއް ހިންގުމުގައި ބައިވެރިވުމުގެ ދައުވާ

• މުހައްމަދު ނާޒިމް (އަސަރީގެ/އއ. މާޅޮސް): ޓެރަރިޒަމްގެ އަމަލެއް ކުރުމަށް ރޭވުމުގެ ދައުވާ

• މުހައްމަދު ތަސްލީމް (ހއ. ހޯރަފުށި/އަލަނާސިގެ): ޓެރަރިސްޓު ޖަމާއަތަކަށް ތާއީދު ކުރުމުގެ ދައުވާ

• އަބްދުﷲ އަލިމަނިކު (ހއ. މޮޅަދޫ/ބަހާރުގެ): ޓެރަރިސްޓު ޖަމާއަތަކަށް ތާއީދު ކުރުމުގެ ދައުވާ