ރާއްޖޭގައި ކޮންމެ 4 މީހަކުން އެކެއްގެ ނަފްސާނީ މައްސަލައެއް ހުރޭ: ޝަކީލާ

ރާއްޖޭގެ ކޮންމެ ހަތަރު މީހަކުން އެކަކުގެ ކޮންމެވެސް ނަފްސާނީ މައްސަލައެއް ހުންނަ ކަމަށް ތަޖުރިބާކާރުންގެ ދިރާސާތަކުން ދައްކާ ކަމަށް އިންސްޓިޓިއުޓް ފޯ ކައުންސެލިން އެންޑް ސައިކޮތެރަޕީ (އައިސީޕީ)ގެ ޗެއާޕާސަން ޑރ. މަރިޔަމް ޝަކީލާ މިއަދު ވިދާޅުވެއްޖެ އެވެ.

ވީ ކިހިނެއް؟ - އޭނާ މިހެން ވިދާޅުވީ މިއަދު ފާހަގަކުރަމުން އަންނަ، ދުނިޔޭގެ ނަފްސާނީ ދުޅަހެޔޮކަމުގެ ދުވަހުގެ މުނާސަބަތުގައި އައިސީޕީން މިއަދު ޕެނަލް ޑިސްކަޝަނަކާ އެކު ބޭއްވި ހާއްސަ ހަފްލާގެ ބައިވެރިންނާ އޮންލައިންކޮށް މުހާތަބުކުރައްވަމުންނެވެ.

ބުނީ ކީކޭ؟ - ހެލްތު މިނިސްޓަރުކަން ވެސް ކުރިން ކުރެއްވި ޝަކީލާ ވިދާޅުވި ގޮތުގައި:

ތަފްސީލް - ރާއްޖޭގައި ނަފްސާނީ މައްސަލަތައް މިހާ ގިނައިރު، "އެކި އުމުރުފުރައިގެ ފަރާތްތަކަށް ލިބެން ޖެހޭ އެހީތެރިކަން ލިބެން ޖެހޭ ވަގުތު، ލިބެންވާ މިންވަރަށް ނުލިބުމުން، ހިތާމަވެރި ހާދިސާތައް ހިނގާފައި ވާކަން ވެސް ދިރާސާތަކުން ފެންނަން އެބައޮތް" ކަމަށް ޝަކީލާ ވިދާޅުވި އެވެ.

އޭގެ އިތުރުން، މާ ދުރު ނޫން މުސްތަގުބަލެއްގައި، ނަފްސާނީ ގޮތުން ދުޅަހެޔޮ މުޖުތަމައެއް ބިނާކުރުމަށް އެންމެ އެކަށޭނެ ފަރުވާ ދިނުން ވެގެންދާނީ ދުނިޔޭގެ ކަންކޮޅުތަކުގައި ސިއްހީ ދާއިރާއަށް ކުރިމަތިވާނެ އެންމެ ބޮޑު ގޮންޖެހުން ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން އަންދާޒާކޮށްފައި ވާކަން ވެސް ޝަކީލާ ފާހަގަކުރެއްވި އެވެ.

އެނގުން މުހިންމު - މިދިޔަ އަހަރުގެ ތަފާސްހިސާބުތަކުން ދައްކާ ގޮތުގައި:

އައިސީޕީން ބޭއްވި ހަފްލާގައި، ހެލްތުގެ ސްޓޭޓް މިނިސްޓަރު ޑރ. ޝާހް އަބްދުﷲ މާހިރު ވަނީ މި ކަމަށް އަލިއަޅުވާލައްވާފަ އެވެ. އޭނާ ވިދާޅުވީ ނަފްސާނީ މައްސަލަތައް ރާއްޖޭގައި މިހާރު ވަރަށް އާންމުވެފައި ވާއިރު، އެ ކަން ކަމަށް ފަރުވާ ދިނުމުގެ ކަންކަން އެންމެ އެކަށޭނެ މިންވަރަށް ރާއްޖޭގައި ގާއިމުވެފައި ނެތް ކަމަށެވެ.

"[ނަފްސާނީ] ބައްޔާ ބެހޭ ގޮތުން މީހުން ދެކޭ ގޮތް، އިނގިރޭސިން ބުނާ ނަމަ ސްޓިގްމާ، އަޅުގަނޑުމެން އެބަޖެހޭ އެއާ ދުރަށް ޖެހެން. މި ސްޓިގްމާއާ ހެދި ނަފްސާނީ ބަލިމަޑުކަން ތަހައްމަލު ކުރަމުންދާ މީހުންނާއި އެ މީހުންގެ އާއިލާތަކަށް ފަރުވާ ދިނުމުގައި އަދި ފަރުވާ ލިބިގަތުމުގައި މައްސަލަތަކެއް އެބައުޅޭ،" ޝާހު ވިދާޅުވި އެވެ.

ނަފްސާނީ ބަލިތަކާ މެދު ގެންގުޅޭ ވިސްނުން ބަދަލުކުރުމުގެ މުހިންމުކަން ފާހަގަކުރައްވައި ޝާހް ވިދާޅުވީ، ހިތުގެ ބަލިތައް ފަދަ ޖިސްމާނީ ބަލިތަކަށް ދެވޭ ފަދަ ބުރަދަން ނަފްސާނީ ބަލިތަކަށް ވެސް ދޭން ޖެހޭ ކަމަށެވެ.

އެނގުން މުހިއްމު - އޮކްޓޯބަރު 10 އަކީ ދުނިޔޭގެ ނަފްސާނީ ދުޅަހެޔޮކަމުގެ ދުވަހުގެ ގޮތުގައި ކޮންމެ އަހަރަކު ހާއްސަ ޝިއާރެއްގެ ދަށުން ފާހަގަކުރަމުން ދުވަހެކެވެ. މި އަހަރުގެ ޝިއާރަކީ 'އެންމެންގެ ނަފްސާނީ ދުޅަހެޔޮކަމަށް ދުނިޔޭގެ ފެންވަރުގައި އިސްކަމެއް ދިނު'މެވެ.