ގަރާޖުގައި ގޮވާ ޒާތުގެ އެއްޗެއް ނުހުންނާނެ: ވެރިފަރާތް

ރޭ ނުރައްކާތެރި އަލިފާނުގެ ހާދިސާއެއް ހިނގި ގޭގެ ތިރީ ބުރީގައި ހިންގާ ގަރާޖުގައި ގޮވާ ޒާތުގެ އެއްވެސް އެއްޗެއް ނުހުންނާނެ ކަމަށް އެ ގަރާޖުގެ ވެރިފަރާތުން މިއަދު ބުނެފި އެވެ.

ވީ ކިހިނެއް؟ - މާލޭ އިސްކަންދަރު މަގާއި ކޯރުކެނޑި މަގާ ގުޅޭ ހިސާބުގައި ހުރި މ. ނިރުފެހި ގޭގައި ރޭ ދަންވަރު 12:30 ހާއިރު ވަރަށް ބޮޑު އަލިފާނުގެ ހާދިސާއެއް ހިނގައި 10 މީހަކު ވަނީ މަރުވެފަ އެވެ.

އެ ގޭގެ ތިރީ ބައިގައި ހުންނަނީ ވެހިކަލް ގަރާޖެކެވެ. އަދި މަތީ ދެ ބުރީގައި ދިރިއުޅެނީ ރާއްޖޭގައި މަސައްކަތްކުރާ ބިދޭސީންނެވެ.

ބުނީ ކީކޭ؟ - އަލިފާން ރޯވާން ދިމާވި ސީދާ ސަބަބު ފުލުހުންނާއި ސިފައިންނަށް އަދި ހޯދިފައި ނުވި ނަމަވެސް، އެ ގަރާޖުގައި ގިނަ އަދަދަކަށް ގޭސްފުޅި އާއި ތެލާއި ބާ ދަގަނޑު ވެސް ފުނި ޖަހާފައި ހުންނަ ކަމަށާއި ވެލްޑިންގެ މަސައްކަތް ފަދަ ކަންކަން ވެސް އެ ތަނުގައި ކުރާ ކަމަށް އަވަށްޓެރިން ބުނެ އެވެ.

އެ ވާހަކަތައް ދޮގުކޮށް، ގަރާޖުގެ ވެރިފަރާތުން ނަން ނުޖަހާ ގޮތަށް މިއަދު 'ދައުރު'އަށް ބުނީ:

"އެ މީހުން ނިދާފައި ތިއްބައި ބާރު އަޑަކަށް ހޭލެވިގެން ހުރިހާ ސާމާނު ވެސް ދޫކޮށްލާފައި އެ ތަނުން ދުވެފައި ނުކުތީ،" ގަރާޖުގެ ވެރިފަރާތުން ބުންޏެވެ.

ތަފްސީލު - އޭނާ ބުނި ގޮތުގައި، އެ ގަރާޖުން މިހާރު ކުރަމުން އަންނަނީ ހަމައެކަނި ވެހިކަލް މަރާމާތުކުރުމުގެ މަސައްކަތެވެ.

"މާޗު މަހު އަލިފާނުގެ ހާދިސާއެއް ހިނގި ފަހުން ޓިންކަރިން މަސައްކަތް ވެސް ހުއްޓާލައިފިން. އެ ފަހަރު ވެސް ހުރީ ހުސް ސިލިންޑަރުތަކެއް،" ގޮވާ ޒާތުގެ އެއްވެސް އެއްޗެއް މިފަހަރު އެ ގަރާޖުގައި ނުހުންނާނެކަން ތަކުރާރުކުރަމުން އޭނާ ބުންޏެވެ.

އެ ސަރަހައްދުން ނަގާފައިވާ ފޮޓޯތަކުން ވެސް ގޭސް ސިލިންޑަރުތަކެއް ފެންނައިރު، ގަރާޖުގެ ވެރިފަރާތުން ބުނީ އެއީ ހުސް ސިލިންޑަރުތަކެއް ކަމަށާއި އޭގައި އެއްވެސް ކެމިކަލެއް ނުހުންނާނެ ކަމަށެވެ.

"އުކާލަން ބޮޑު ހަރަދެއް ހިނގާތީ އެ ސިލިންޑަރުތައް ބަހައްޓާފައި ހުރީ،" އޭނާ ބުންޏެވެ.

އެނގުން މުހިންމު - އެ ހާދިސާގައި މަރުވި ބިދޭސީން ދިރިއުޅޭ ގޭގައި، ކޮންމެ އެނދެއްގެ ކައިރީގައި ގޭސް ފުޅިއެއް ބަހައްޓާފައި ހުރި ކަމަށް އެމްއެންޑީއެފްއިން ވަނީ ބުނެފަ އެވެ.

މިހާތަނަށް ލިބުނު މައުލޫމާތަށް ބަލާއިރު: