އަންދުގެ އާޓް ކްލާސްތަކުން 30 ދުވަހުގެ ތެރޭގައި ކުރަހަން ދަސްކޮށްދޭނެ

އަހްމަދު ނިމާދު (އަންދު) އަކީ ރާއްޖޭގެ އާޓް ދާއިރާއަށް އާ ނަމެއް ނޫނެވެ. ކުރެހުމުގެ މައުރަޒުތަކުގައި އޭނާގެ މަސައްކަތް ދައްކާލުމުގެ އިތުރުން އެކި ފަހަރު މަތިން އަންދު ވަނީ ކުރެހުމާއި ކްރާފްޓް ދަސްކޮށްދޭ ކްލާސްތައް ހިންގައިފަ އެވެ. މިފަހަރު އަންދު ވަނީ އަންނަ ރޯދަ މަހަށް ހާއްސަ އާޓް ކްލާސްތަކެއް ރާވައިފަ އެވެ. 

އަންނަ ހޮނިހިރު ދުވަހު ފަށާ މި ކްލާސްތައް ބަހާލާފައިވަނީ ދެ ބަޔަކަށެވެ. އެއީ:

ކުރެހުމުގެ އަސާސީ އޮނިގަނޑު އަނެއްކާވެސް އާކޮށްލަން ބޭނުން ނަމަ ނުވަތަ އެމީހެއްގެ ހުނަރު ފުޅާ ކޮށްލަން ބޭނުން ނަމަ އަންދުގެ 'ލާން ހައު ޓު ޑްރޯ އިން 30 ޑޭޒް' ކޯހުގައި ބައިވެރިވެވިދާނެ އެވެ.

ބިއްލަބޮންގް ހައި އިންޓަނޭޝަނަލް ސްކޫލްގެ ގްރައުންޑް ފްލޯގެ ކްލާހެއްގައި ކުރިއަށް ގެންދާ މި ކްލާސްތަކުގައި ބޭނުންކުރަން ޖެހޭ ހުރިހާ މެޓީރިއަލެއް އަންދު ފޯރުކޮށްދޭނެ އެވެ.

އަންދު ބުނިގޮތުގައި 12 އަހަރުން ދަށުގެ ކުޑަކުދިންނަށް ހިންގާނީ ކުރެހުމާއި ކުލަޖެއްސުމުގެ ކްލާސްތަކެކެވެ. އެ އުމުރުފުރާގެ ކުދިން ޝައުގުވެރިވާނެ ކަހަލަ ފިލާވަޅުތަކެއް އޭގައި ހިމެނޭނެ ކަމަށް އޭނާ ބުންޏެވެ.

ބާރަ އަހަރުން ދަށުގެ ކްލާސްތައް:

ތޭރަ އަހަރުން މަތީގެ ކްލާސްތައް:

އަންދު ބުނިގޮތުގައި މި ކޯސް އޭނާ ރާވާފައި ވަނީ 10 އަހަރުގެ ދިގު މުއްދަތެއްގެ އާޓް އަދި ޑިޒައިން ކިޔަވައިދިނުމުގެ ތަޖުރިބާއާ އެކު އެވެ. މި ކޯހުގެ ސަބަބުން އެމީހެއްގެ ކުރެހުމުގެ ހުނަރު އިތުރަށް ފުޅާވެ އަދި އެހެން ފަންނުވެރި ދާއިރާއަކުން ކުރިއަށް ދާން ބޭނުން ނަމަ އެ ދާއިރާއަކަށް އެޅޭ ފުރިހަމަ ބިންގަލަކަށް ވާނެ ކަމަށް އަންދު ބުންޏެވެ.

ކޮންމެ ކްލާހެއްގައި ވެސް ހިމެނެނީ މަދު ޖާގަތަކަކަށް ވުމުން އަވަހަށް ބުކްކުރަން އަންދު އެދެ އެވެ. ގުޅާނީ 7398999 އަދި ވައިބާއިން ނަމަ 7677139 އަށެވެ.