ސަރުކާރުން ކުނި އެތެރެކުރުމާ ދެކޮޅު؛ ގާނޫނު އިސްލާހު ކުރާނަން: ޝައުނާ

އެ މާއްދާގައިވާ ގޮތުން މިނިސްޓްރީގެ ހުއްދަ ލިބިގެން ރާއްޖެއަށް ކުނި އެތެރެ ކުރެވިދާނެ

އެއީ ސަރުކާރުން ބިލު ހުށަހެޅި އިރު އޮތް ގޮތެއް ނޫން؛ އެ ބިލު ހުށަހެޅިއިރު އޮތީ ކުނި އެތެރެކުރުމަކީ މަނާކަމެއް ކަމަށް

މަޖިލީހުގެ ކޮމިޓީން އެގޮތަށް ބިލުގައި ހިމެނި ސަބަބެއްގެ ގޮތުގައި ބުނެފައިވަނީ ކުނިން ހަކަތަ އުފެއްދުމުގެ ވިސްނުން ރާއްޖެއިން ގެންގުޅޭ އިރު ކުނި ލިބުމުގައި ދަތިވެއްޖެ ހާލަތެއްގައި އެ ހުއްދަ އޮތުމަކީ މުހިއްމު ކަމެއް ކަމަށް

ރާއްޖެއަށް ކުނި އެތެރެކުރެވޭ ގޮތަށް ގަވައިދެއް ނަހަދާނެ

އެ މާއްދާއާ އެކު ބިލް ތަސްދީގުކޮށްފައިވަނީ އެ ގާނޫނުގައި މުހިއްމު ބައިވަރު ކަންކަން ހުރުމުން އެކަންތައްތައް ވީހާވެސް އަވަހަށް ތަންފީޒު ކުރުމުގެ ގޮތުން

އެގޮތުން މުހިއްމު ކަމަކަށް ޝައުނާ ފާހަގަކުރެއްވީ ވެމްކޯއަށް ބިލް ނުދައްކާ ފަރާތްތަކުން ފައިސާ ހޯދުމުގެ މަސައްކަތް ފެށެން އޮތީ ބިލް ތަސްދީގުކުރެވިގެންކަން

ކުނި އެތެރެ ކުރެވޭ މާއްދާއަށް އިސްލާހު ގެނައުމުގެ އިދާރީ މަސައްކަތްތައް މިނިސްޓްރީން މިހާރު ދަނީ ކުރަމުން؛ އެ މަސައްކަތް ނިމުނުހާ އަވަހަކަށް އެޓާނީ ޖެނެރަލްގެ (އޭޖީ) އޮފީހަށް އިސްލާހު ފޮނުވާނެ

ކުނިން ހަކަތަ އުފެއްދުމުގެ މަޝްރޫއަކީ މާލީ ގޮތުންނާއި ޓެކްނިކަލް ގޮތުން ވެސް ބުރަ ބޮޑު ކަމެއް

އިންސިނެރޭޓާ އޮޕަރޭޓަރުންނަށް ރާއްޖެއަށް ކުނި އެތެރެކުރުމުގެ ފުރުސަތު ލިބޭ؛ މީގެ ކުރިން ވެސް އެ ޖަމިއްޔާތަކުން އެ ކަންބޮޑުވުން ފާޅުކުރި

އެ ފަރާތްތަކުން ރައީސަށް ގޮވާލީ ބިލު ތަސްދީގުނުކޮށް އަނބުރާ ފޮނުވާލެއްވުމަށް 

ރާއްޖެއަކީ ކުނި އަޅާ ތަނަކަށް ހެދުމުގެ ފުރުސަތު ބޭރުގެ ކުންފުނިތަކަށް ނުލިބޭ ގޮތަށް ގަވާއިދުތައް ހެދުމަށް ވެސް ގޮވާލާފައިވޭ