ސިނަމާލެ ބްރިޖު ފެށޭ ހިސާބުގައި ވެހިކަލް ދުއްވާފައި ދަނީ: ރޭ ކުޑަ ވަގުތުކޮޅެއްގެ ތެރޭގައި ބްރިޖުގައި ތިން އެކްސިޑެންޓު ހިނގި. (ދައުރު ފޮޓޯ/އަބްދުﷲ އަނޫފް ޖުނައިދު)
ރޭ ގަޑިއެއްހާއިރުގެ ތެރޭގައި ބްރިޖު މަތީގައި 3 އެކްސިޑެންޓު
ރޭ ސިނަމާލޭ ބްރިޖު މަތީގައި ގަޑިއެއްހާއިރުގެ ތެރޭގައި ތިން އެކްސިޑެންޓު ހިނގައިފި އެވެ.
ފުލުުހުން މިރޭ ބުނީ، ރޭ 10:45 އާއި ދަންވަރު 12އާ ދެމެދު ސިނަމާލޭ ބްރިޖު މަތީގައި ތިން އެކްސިޑެންޓެއް ހިނގި ކަމަށެވެ.
ތަފްސީލު - ގަޑިއިރަކާއި 15 މިނެޓު ތެރޭގައި ހިނގި މި ތިން އެކްސިޑެންޓުގެ ތެރެއިން:
-
ފުރަތަމަ އެކްސިޑެންޓަކީ ކާރަކާއި ސައިކަލެއް ޖެހި ހިނގި އެކްސިޑެންޓެއް
-
ދެން ހިނގި ދެ އެކްސިޑެންޓު ވެސް ހިނގީ ދެ ކާރު ޖެހިގެން
-
މި ތިން މައްސަލަ ވެސް ފުލުހުން އަންނަނީ ތަހުގީގުކުރަމުން
މި އެކްސިޑެންޓުތަކުގައި އެއްވެސް މީހަކަށް އަނިޔާއެއް ނުވި ނަމަވެސް، އެކްސިޑެންޓުވި އުޅަނދުތަކަށް އެކި ވަރުގެ ގެއްލުންތައް ލިބުނު ކަމަށް ފުލުުހުން ބުންޏެވެ.
އެނގުން މުހިންމު - ރޭގެ އެ ވަގުތަކީ އާ އަހަރު ފާހަގަކުރުމުގެ ގޮތުން ގިނަ ބަޔަކު ނުކުމެ މާލެ އާއި ހުޅުމާލެ ހަލަބޮލިވެފައި އޮތް ވަގުތެވެ. ގިނަ ބަޔަކު، ހުޅުމާލޭގައި އޮތް އެކި ހަރަކާތްތައް ބަލާލަން ބްރިޖު ހުރަސްކޮށް ހުޅުމާލެއަށް ދިޔަ އެވެ.
ރޭ ހުޅުމާލޭގައި މިއުޒިކް ޝޯއެއް ބޭއްވުމުގެ އިތުރުން ހަވާ ވެސް އެރުވި އެވެ. ގިނަ ބަޔަކު ހުޅުމާލެއަށް ދިއުމުގެ ސަބަބުން ރޭ ހުޅުމާލޭގައި ޓްރެފިކް ވެސް ބާރުބޮޑުވި އެވެ.
ފަސްމަންޒަރު - ފުލުހުންގެ ވެބްސައިޓުގައިވާ ގޮތުން، މިއަދު މިހާތަނަށް ހަތަރު އެކްސިޑެންޓެއް ވަނީ ހިނގާފައިވެ އެވެ. މިދިޔަ އަހަރު ޖުމްލަ 1552 އެކްސިޑެންޓް ހިނގާފައިވެ އެވެ.