ކޯޓުތަކުގެ އަމިއްލަ އިސްނެގުމަށް މައްސަލަތައް ނުބެލޭ ގޮަތަށް ހަދަން ގާނޫނަށް އިސްލާހެއް

• ހައި ކޯޓުގެ ވަކިވަކި ގޮފިތައް އުވާލައި އެކަމާ ގުޅޭ އުސޫލުތައް ބަޔާން ކުރުން
  

• ޝަރީއަތްތައް ހިނގަމުންދަނީ އެ ކޯޓުތަކަށް ކަނޑައެޅިފައިވާ އިހްތިސާސާއި ބާރުގެ ދާއިރާގެ ތެރޭގައިކަން ކަަށަވަރުކުރުމަށް ގެންނަން ޖެހޭ އިސްލާހުތައް ގެނައުމަށް
  

• އިސްލާހު ގެންނަ ކަންކަމާ ގުޅޭ ގޮތުން ސްޕްރީމް ކޯޓުން މީގެ ކުރިން ނެރެފައިވާ އަމުރުތަކާއި ސާކިއުލާތައް އަދި ގަރާރުތައް އުވާލުން

• ގާނޫނުއަސާސީ އާއި ކަމާ ބެހޭ ގާނޫނަކުން ކޯޓަށް ލިބިދީފައިވާ އިހްތިސާސްގެ ތެރެއިން އެ ކޯޓުން ބަލަމުންދާ މައްސަލައެއްގައި ގާނޫނުގައި ކަނޑައެޅިފައިވާ އިޖުރާއަތުގެ ދަށުން އެ ކޯޓަކުން ކުރާ އަމުރެއް ނުވަތަ ނިންމާ ނިންމުމެއް ފިޔަވައި ރާއްޖޭގެ އެއްވެސް ކޯޓަކުން އެ ކޯޓުގެ އަމިއްލަ އިސްނެގުމަށް ނިންމުމެއް ނިންމައިގެން ނުވާނެ
  

• ކޯޓުގެ އަމިއްލަ އިސްނެގުމުގައި ނިންމާ ނިންމުނަށް މާނަކޮށްފައިވަނީ ގާނޫނެއްގެ ދަށުން ކަނޑައެޅިގެން ބާރު ލިބިދޭ ހާލަތެއްގައި ނޫން ހާލަތެއްގައި އެ ކޯޓެއްގެ އަމިއްލަ އިސްނެގުމަށް ހިންގައި ގޮތެއް ނިންމާ މައްސަލަތަކާއި އެ ކޯޓުގެ ފަނޑިޔާރުންގެ މަޖިލީހުން ނިންމާ ނިންމުންތައް ވެސް ހިމެނޭ ގޮތަށް

• މި އިސްލާހާ ގުޅިގެން ކޯޓަކާ ގުޅޭ ކަންކަމުގައި އިދާރީ ހިންގުމާ ބެހޭ ގަވާއިދުތަކާއި އުސޫލުތައް ކަނޑައެޅުމަށް ކޯޓުތަކަަށް ލިބިގެންވާ އިހްތިޔާރަށް ނުވަތަ ކޯޓުގެ ހުރުމަތް ކެނޑެމުގެ މައްސަލަތައް ބަލައި ގޮތް ނިންމުން އަދި އެހެން ގާނޫނަކުން ލިބިދޭ އިހްތިޔާރުތައް ހަންޏެއް ނުވާނެ
  

އިސްތިއުނާފުގެ މުއްދަތު 30 ދުވަހަށް އިތުރު ކުރަނީ

• އިސްތިއުނާފު މުއްދަތު ހިނގާނީ ހުކުމް ކުރި ތާރީހުން ފެށިގެން ސަރުކާރު ބަންދު ދުވަސްތައް ނުހިމެނޭ ގޮތަށް ކަމަށް

• ކޯޓުން މައްސަލަ ނިމޭ ދުވަހުން ފެށިގެން ހަތް ދުވަހުގެ ތެރޭގައި، އެ މައްސަލައެއް ނިންމި ގޮތުގެ ރިޕޯޓު މައްސަލައިގެ ހިމެނޭ މީހުނަށް ދޭން ވާނެ

• އިސްތިއުނާފުކުރި ކަމަށް ވިޔަސް، މަތީ ކޯޓުން އެހެން ގޮތަކަށް ކަނޑަނާޅާހާ ހިނދަކު ދަށު ކޯޓުން ކުރި ހުމެއް ތަންފީޒުކުރުން ފަސް ނުކުރެވޭނެ
  

ކޯޓުގެ އިހްތިސާސުން ބޭރުން ނިންމާ ނިންމުންތައް ބާތިލު

ހައި ކޯޓުގެ ދެ ގޮފި އުވާލަނީ؛ މުވައްޒަފުންނަށް ވަޒީފާ ދޭން ލާޒިމް

• ހައި ކޯޓަށް އައްޔަން ކުރެވޭ އެންމެހައި ފަނޑިޔާރުން ގާއިމުވެ ތިބޭނީ މާލޭގައި؛ އެ ކޯޓުން ކަނޑައަޅާ އުސޫލަކުން މާލެ ފިޔަވައި އެހެން ރަށްތަކުގައި ޝަރީއަތުގެ އަޑުއެހުންތައް ބޭއްވުމުގެ އިހްތިޔާރު އެ ކޯޓަށް ލިބިގެންވޭ
  

• ދެ ގޮފީގެ މުވައްޒަފުން މަސައްކަތް ކުރާނެ އެހެން ތަނެއް، ގޮފިތައް އުވާލާތާ 60 ދުވަހުގެ ތެރޭގައި ޑިމާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ކަނޑައަޅަން ވާނެ

• އެ މުއްދަތު ތެރޭގައި އެ މުއްޒަފުން އަދާކުރަމުންދިޔަ ފެންވަރުގެ އެހެން ވަޒީފާއެއް، އެހެން ކޯޓަކުން ނުވަތަ ޝަރުއީ ދާއިރާގެ އެހެން އިދާރާއަކުން ހަމަޖައްސަން ވާނެ

• ވަޒީފާ ބަދަލުކުރުމުގެ ކަންކަން ހަމަޖައްސައި ނިމެންދެން އެ މުވައްޒަފުންނަކީ ޑީޖޭއޭގެ މުވައްޒަފުން
  

• ދެ ގޮފީގެ މިލްކުވެރިކަމުގެ ދަށުގައިވާ އެންމެހާ މުދަލާއި ފައިސާ އަދި ވަސީލަތްތައް ބަދަލުވާނީ ޑީޖޭއޭއަށް

• ޝަރީއަތުގެ ހުރުމަތް ކެނޑުމުން ޖަލު އަދަބު 3 މަހަށް ބޮޑު ކުރަނީ