ހައްޖު ކޯޕަރޭޝަނުން ހުޅުމާލޭގައި އޮފީސް އިމާރާތެއް އަޅަނީ

ހައްޖަށް މީހުން ގެންދިއުމަށް ސަރުކާރުން އުފައްދާފައިވާ ކުންފުނި، ހައްޖު ކޯޕަރޭޝަނުން ހުޅުމާލޭގައި އޮފީސް އިމާރާތެއް އެޅުމަށް ނިންމައި އެކަމުގެ އެއްބަސްވުމުގައި ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ)އާ އެކު ސޮއިކޮށްފި އެވެ.

ވީ ކިހިނެއް؟ - ހައްޖު ކޯޕަރޭޝަނުން އޮފީސް އިމާރާތެއް އެޅުމަށް ބޭނުންވާ ބިން އެ ކުންފުންޏާ ހަވާލުކުރުމުގެ އެއްބަސްވުމުގައި މިއަދު ވަނީ ސޮއިކޮށްފަ އެވެ. އެގޮތުން:

ތަފްސީލް - ހައްޖު ކޯޕަރޭޝަންގެ އެމްޑީ އިސްމާއިލް ހަމީދު މިއަދު 'ދައުރު'އަށް ވިދާޅުވީ އެ ކުންފުނިން ހަދަން ނިންމާފައި ވަނީ:

ބުނީ ކީކޭ؟ - އިސްމާއިލް ހަމީދު ވިދާޅުވީ އެ ކުންފުނިން ހަދާ އަށް ބުރީގެ އިމާރާތުން އެ ކުންފުނީގެ އޮފީސް ހިންގުމަށް ޖާގަ ނެގުމަށް ފަހު ދެން ހުރި ބައިތައް ދޫކުރާނީ ކުއްޔަށް ކަމަށެވެ. އަދި އެކަމުގެ ސަބަބުން ކުންފުންޏަށް ރަނގަޅު އާމްދަނީއެއް ހޯދޭނެ ކަމަށް އޭނާ ވިދާޅުވި އެވެ. 

އަހުމަދު ހަމީދު ވިދާޅުވި ގޮތުގައި، އެ އިމާރާތް ހެދުމުގެ މަސައްކަތް ކުރިއަށް އޮތް ހަ މަހެއްހާ ދުވަހުގެ ތެރޭގައި ފެށޭނެ އެވެ.

"ވަރަށް ރަނގަޅު އިންވެސްޓްމަންޓެއް ކަމަށް އަޅުގަނޑުމެންނަށް ވިސްނޭތީ މިކަން މިކުރަން ނިންމީ،" އިސްމާއިލް ހަމީދު ވިދާޅުވި އެވެ.

މިހާރު ކުރިއަށް ދަނީ އިމާރާތް ޑިޒައިންކުރުމުގެ މަސައްކަތް ކަމަށް އޭނާ ވިދާޅުވި އެވެ. އޭނާ ވިދާޅުވީ އިމާރާތް ހެދުމަށް ހިނގާނެ ހަރަދު އެނގޭނީ ޑިޒައިނިން މަސައްކަތް ނިމުމުންނެވެ.

ނަމަވެސް މި އަހަރުން ފެށިގެން ހައްޖާއި އުމްރާއަށް މީހުން ގެންދެވެން ފެށުމުން އަނެއްކާ އެ ކުންފުނީގެ މާލީ ހާލަތު އަންނަނީ ރަނގަޅުވަމުންނެވެ.