ޖޭމްސް ވެބް ސްޕޭސް ޓެލެސްކޯޕްގެ ފަތް ޖަހާލެވޭ ބިއްލޫރިގަނޑު ރޭވުމުގެ މަސައްކަތް ކުރިއަށް ދަނީ: މިއީ ކާއިނާތުގެ ހޯދުންތަކަށް ބޭނުންކުރާ އާދަޔާ ހިލާފު ޓެލެސްކޯޕެއް
ޖޭމްސް ވެބް ސްޕޭސް ޓެލެސްކޯޕު: 21 ވަނަ ގަރުނުގެ އަޖައިބެއް
މިއަދު ހަވީރު ރާއްޖޭގެ ގަޑިން ގާތްގަނޑަކަށް 5 ޖަހާލާކަން ހާއިރު ދުނިޔޭގެ ބިމުން ޖައްވަށް "އަރިއާން"ގެ ނަމުން ނަން ދީފައިވާ ޔޫރަޕްގެ ބޮޑު ރޮކެޓެއް ނައްޓާލާނެ އެވެ. މި ދަތުރުގެ އެންމެ އަގުބޮޑު މުދާ ރައްކާކޮށްފައި ވަނީ ރޮކެޓްގެ ކުރީކޮޅުގަ އެވެ. ޖައްވުގެ ވަކި ހިސާބަކުން ރޮކެޓްގެ ކުރީކޮޅު ހުޅުވި، އެ އަގު ބޮޑު އާލާތް، ޖޭމްސް ވެބް ސްޕޭސް ޓެލެސްކޯޕް ޖައްވަށް ދޫކޮށްލާނެ އެވެ.
މިއީ އިންޖިނިއަރިންގެ ވަރަށް ބޮޑު އިމްތިހާނެކެވެ. ކިތައްމެ ކުޑަ ކަމެއް ފެއިލް ވިޔަސް،10 ބިލިއަން ޑޮލަރުގެ، މަޝްރޫއުއަށް ލޮޅުން އަރާނެ އެވެ. އެކަމަކު ސައިންސްވެރިންނާއި އިންޖިނިއަރުން އުއްމީދުކުރަނީ ހުރިހާ ކަމެއް ބަރާބަރަށް ދާނެ ކަމަށެވެ.