ކުށްކޮށްގެން ހޯދާ މުދަލާއި ފައިސާ ނެގޭނެ ގޮތެއް ގާނޫނުގައި ނެތުމުން އޭސީސީގެ ކަންބޮޑުވުން

ކޮރަޕްޝަންގެ މުދަލާއި ފައިސާ ދައުލަތަށް ނެގޭނެ ގޮތެއް ނެތް

• މިހާރު ރާއްޖޭގެ ގާނޫނީ އޮނިގަނޑު އޮތް ގޮތުން ޖިނާއީ އަދުލުގެ ނިޒާމުގެ ތެރެއިން، ކޮރަޕްޝަންގެ ކުށްކޮށްގެން ހޯދާ މުދަލާއި ފައިސާ ދައުލަތަށް ނެގޭނީ ކޮރަޕްޝަންގެ ކުށް ކޮށްގެން ހޯދާ މުދަލާއި ފައިސާ ދައުލަތަށް ނެގޭނެކަން ގާނޫނަކުން ކަނޑައެޅިގެން

• އެކަން ގާނޫނަކުން ކަނޑައަޅާފައި ނުވާތީ ކޮރަޕްޝަންގެ ކުށްކޮށްގެން ހޯދާ މުދަލާއި ފައިސާ މިހާރު ދައުލަތަށް ނެގެނީ ކޮރަޕްޝަނުގެ ކުށަކާއި މަނީ ލޯންޑްރިންގެ ކުށާ ގުޅޭ ހާލަތުގައި އެކަނި
  

• މަނީ ލޯންޑްރިންގެ ކުށާ ގުޅުމެއް ނެތި ހަމައެކަނި ކޮރަޕްޝަންގެ ކުށް ކުރާ ހާލަތުގައި ކުށްކޮށްގެން ހޯދާ މުދަލާއި ފައިސާ ދައުލަތަށް ނެގޭނެ ގޮތެއް ނެތް
  

• ކޮރަޕްޝަންގެ ކުށްތަކުން ހޯދާ މުދަލާއި ފައިސާ މަދަނީ މިންގަނޑުން ދައުލަތަށް ނެގުމަށް މާލިއްޔަތު ގަވާއިދުން މަގު ދެއްކި ނަމަވެސް، އެ ގަވާއިދުގައި ކުށްކޮށްގެން ހޯދި މުދަލުގެ މަންފާ ދައުލަތަށް ނެގުމަށް އަމަލުކުރާނެ ގޮތުގެ އިރުޝާދެއް ބަޔާންކޮށްފައެއް ނުވޭ

މުދަލާއި ފައިސާ އަނބުރާ ހޯދުމަށް ވަށާ ޖެހޭ ގާނޫނެއް ނެތް

• މިހާރު ހުރި ގާނޫނުތަކުން ކުށްކޮށްގެން ހޯދާ މުދަލާ ފައިސާ ދައުލަތަށް ނެގޭނެ ގޮތްތަކާއި ގެއްލުމަށް ބަދަލު ނެގޭނެ ގޮތްތައް ބައެއް ގާނޫނުތަކާއި ގަވާއިދުތަކުގައި ބަޔާން ކުރިޔަސް، ވަށާ ޖެހޭ ނިޒާމެއްގެ ތެރެއިން އެކަންކަން ބަޔާންކޮށްފައި ނުވާތީ، ތަންފީޒީ އިދާރާތަކަށް ގޮންޖެހުންތަކާ ކުރިމަތިވޭ

• އެކި އިދާރާތަކުން އެ އިދާރާއެއްގެ އިހުތިސާސްގެ ތެރެއިން މަސައްކަތް ކުރިޔަސް، އެސެޓް ރިކަވާކުރުމުގެ މަސައްކަތަށް މުޅި ރާއްޖޭގައި އަމަލުކުރާނެ އުސޫލީ މިންގަނޑެއް ނެތް އަދި ރާއްޖޭގެ އެސެޓް ރިކަވަރީ ނިޒާމު ބަލަހައްޓާނެ ބެލެނިވެރި މުއައްސަސާއެއް ނެތް
  

މާލީ ބަޔާން ހުށަހެޅުމުގެ ހަރުދަނާ ނިޒާމެއް ނެތް

• ދައުލަތުގެ މަސްއޫލު މަގާމުތައް އަދާކުރާ ފަރާތްތަކުގެ މުދަލާއި ފައިސާގެ ބަޔާން ހާމަކުރުން ލާޒިމުކުރުމަށާއި އެކަން ކުރަން ޖެހޭ ފަރާތްތައް ކަނޑައެޅުމާއި އެ މައުލޫމާތު ހުށަހެޅެން ޖެހޭ ފަރާތްތައް ކަނޑައެޅުމާ އަދި އެކަން ކުރުމުގައި އަމަލުކުރަން ޖެހޭ އުސޫލުތަކާއި ހަމަތައް ބަޔާންކުރުމަށް އެއް މިންގަނޑެއް ނެތް

• ހުށަހަޅާ މާލީ ބަޔާންތައް ވެރިފައިކުރުމުގެ މަސައްކަތް އެންމެ އެދެވޭ ގޮތެއްގައި ކުރިއަށް ގެންދެވިފައެއް ނުވޭ
  

• މާލީ ބަޔާން ހުށަހަޅާ ފަރާތްތަކުގެ ބަޔާންތަކަކީ އޮޑިޓްކޮށް އަދި އޭގެ ތެދުކަން ކަށަވަރުކޮށް ވެރިފައިކުރާ މައުލޫމާތެއް ނޫން
  

ގުޅިގެން މަސައްކަތް ކުރާނެ ނިޒާމެއް ނެތް

• ބޭރު ގައުމުތަކުގައި، ކުށްކޮށްގެން ހޯދާ މުދަލާއި ފައިސާ ދައުލަތަށް ނެގުމުގެ މަސައްކަތް ކުރަނީ ގިނަ އިދާރާތަކެއް ގުޅިގެން

• ރާއްޖޭގެ މާހައުލާ ގުޅޭ ގޮތުން އަދި ވިޔަފާރިތަކަށް ހުރަސް ނޭޅޭނެ ފަދަ ގޮތަކަށް ނަގުދު ފައިސާއިން ކުރާ މުއާމަލާތްތަކުގައި އެންމެ ގިނަ އަދަދަކަށް ބޭނުން ކުރެވޭނެ ފައިސާގެ މިންވަރު މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ކަނޑައެޅުން

• ދައުލަތުގެ މުދަލާ ގުޅޭ މައުލޫމާތު އެއް ހަމަކުރުމަށް ދައުލަތުގެ އިދާރާތަކުން ބަލަހައްޓާ މުދަލުގެ މައުލޫމާތު ނަގައި ރައްކާކުރާނެ އެއް ފޯމެޓެއް ކަނޑައެޅުން
  

• މާލީ ކަންކަމާ ގުޅުން ނެތް ވިޔަފާރިތައް އަދި ދާއިރާތައް ނުވަތަ ޑެޒިގްނޭޑެޓް ނޮން ފައިނޭންޝަން ބިޒްނަސް އެންޑް ޕްރޮފެޝަންސް (ޑީއެންއެފްބީޕީ) ރެގިއުލޭޓްކުރުމަށް ގާނޫނީ އޮނިގަނޑެއް އެކުލަވާލުން
  

• އެސެޓް ރިކަވަރީ ނިޒާމާ ގުޅޭ ގޮތުން ގުޅުންހުރި ދައުލަތުގެ އިދާރާތަކުގެ މުވައްޒަފުންނަށް ބޭނުންވާ ފަންނީ ގާބިލުކަމާއި އިދާރީ ގާބިލު ކަމަށް ބޭނުންވާނެ ތަމްރީނާ ތަޖުރިބާ އާއި ވަސީލަތްތައް ހޯދައިދިނުން