ވަރުވާއަށް ރަށްތައް ދޫކުރާ މުއްދަތު 10 އަހަރަށް އިތުރުކޮށްފި

ފިޝަރީޒް އެންޑް އެގްރިކަލްޗާ މިނިސްޓްރީން ވަރުވާއަށް ފަޅު ރަށްތައް ދޫކުރާ މުއްދަތު 10 އަހަރަށް އިތުރުކޮށް، އެއްބަސްވުމާ ހިލާފު ނުވިޔަސް، ބަދަލު ދިނުމަކާ ނުލައި ރަށް އަތުލުމުގެ ބާރު މިނިސްޓަރަށް ލިބޭ ގޮތަށް ގަވައިދު އިސްލާހުކޮށްފި އެވެ. 

ވީ ކިހިނެއް؟ - މި ބަދަލު ގެނައީ ރާއްޖޭގެ ފަޅު ރަށްރަށާ ބެހޭ ގަވައިދަށް ގެނައި ދެވަނަ އިސްލާހުންނެވެ. އެ އިސްލާހު ސަރުކާރުގެ ގެޒެޓްގައި އިއްޔެ ވަނީ ޝާއިއުކޮށްފަ އެވެ.

އެނގުން މުހިއްމު - ކުރިން އޮތް ގޮތުން ވަރުވާއަށް ފަޅު ރަށެއް އެންމެ ދިގު މުއްދަތަކަށް ދޫކުރެވެނީ ފަސް އަހަރަށެވެ. ނަމަވެސް ގަވައިދުގެ 20 ވަނަ މާއްދާއަށް ގެނައި ބަދަލުން އެ މުއްދަތު ދެ ގުނަ އިތުރުވީ އެވެ.

ތަފްސީލް - ފަޅު ރަށްރަށާ ބެހޭ ގަވައިދަށް މައިގަނޑު ހަ ބަދަލެއް ވަނީ ގެނެސްފަ އެވެ. ދެން ގެނައި އެންމެ ބޮޑު އިސްލާހަކީ، އެއްބަސްވުމާ ހިލާފު ނުވި ނަމަވެސް، ސަރުކާރުން ބޭނުންވެއްޖެ ހިނދެއްގައި  ބަދަލު ދިނުމަކާ ނުލައި ރަށް އަތުލުމުގެ ބާރު މިނިސްޓަރަށް ދިނުމެވެ. ގަވައިދުގެ 26 އަދި 27 ވަނަ މާއްދާއަށް ގެނައި އެ އިސްލާހު ބުނާ ގޮތުން:

އެނގުން މުހިންމު - މީގެ ކުރިން އެ ގަވައިދުގައި އެ މައްދާގައި އޮންނަނީ، ގާނޫނު ނުވަތަ ގަވައިދު ނުވަތަ އެއްބަސްވުމާ ހިލާފުވެއްޖެ ނަމަ އަތުލެވޭ ގޮތަަށެވެ. އަދި ބައެއް ހާލަތްތަކުގައި ބަދަލު ދޭން ވެސް އެ މާއްދާގައި ބަޔާންކޮށްފައިވެ އެވެ. 

ގަވައިދަށް ގެނައި އިތުރު އިސްލާހުތައް:

ގެޒެޓުގައި ޝާއިއުކުރުމާ އެކުއެކީގައި މި އިސްލާހުތަކަށް އަމަލު ކުރަން ވެސް ވަނީ ފަށައިފަ އެވެ.