ރައީސް މުހައްމަދު މުއިއްޒު ސަރުކާރުގެ ވުޒާރާތައް އެކުލަވާލެވިފައިވާ ގޮތަށް ގެންނެވި ބަދަލުގެ ދަށުން ބޮޑުތަނުން މެންޑޭޓް ފުޅާވެގެން ދިޔަ އެއް މިނިސްޓްރީ އަކީ ހަޔާ އެޑިއުކޭޝަން މިނިސްޓްރީ އެވެ. ހަޔާ އެޑިއުކޭޝަންގެ ފަހަތަށް 'ލޭބާ އެންޑް ސްކިލްސް ޑިވެލޮޕްމަންޓް' އިތުރުވެ، މަތީ ތައުލީމާ އެކު މަސައްކަތްތެރިންގެ ކަންކަމާއި ހުނަރު ތަރައްގީ ކުރުމުގެ މަސްއޫލިއްޔަތު ވެސް ހަވާލުކޮށްފައިވަނީ މި މިިނިސްޓްރީއާ އެވެ.
މިނިސްޓްރީ ހިންގެވުމުގެ ޒިންމާތަކާ ހަވާލުވެވަޑައިގެން ހުންނެވީ ނިއު ޒީލެންޑުގެ މޭއްސީ ޔުނިވަސިޓީ އިން ޕީއެޗްޑީ ހާސިލްކުރައްވާފައިވާ ޑރ. މަރިޔަމް މާރިޔާ އެވެ.
އަބަދުވެސް އުޅުއްވީ ތައުލީމީ ދާއިރާގައި
މާރިޔާގެ ހަޔާތުގެ ކޮންމެ ހިސާބަކުން ވެސް ފާހަގަކޮށްލެވެނީ އޭނާގެ ހިތުގައި ތައުލީމަށް ދެވިފައިވާ ލޯތްބާއި ގަދަރެވެ. އަމީނިއްޔާ ސްކޫލުގައި އުޅުނު ދުވަސްވަރު ވެސް އޭނާއަކީ ފާހަގަކޮށްލެވޭ ދަރިވަރެކެވެ. އޭނާއަކީ 1988 ވަނަ އަހަރުގެ ސްކޫލް ކެޕްޓަނެވެ. ކުޅިވަރު ހަރަކާތްތަކާއި ބޭންޑުގައި ވެސް އުޅުއްވި އެވެ.
މިއީ، މަގާމާ ހަވާލުވުމަށްފަހު 'ދައުރު'އަށް އެންމެ ފުރަތަމަ ދެއްވި އިންޓަވިއުގައި މާރިޔާ އެންމެ އުފަލާ އެކު އާކުރެއްވި ހަނދާންތަކެވެ.
-
އިތުރަށް ކިޔާލަން - މިނިސްޓަރު މާރިޔާގެ އަމާޒު: އިތުރު ފުރުސަތު، ކޮލިޓީ ތައުލީމު، ފަންނު ދިރުވުން