ހާލޭންޑް އެކަނި ފަސް ލަނޑު، މިއީ ދެވަނަ ފަހަރު

އާލިން ހާލޭންޑްގެ ލަނޑު ޖެހުން އަނެއްކާވެސް މިހާރު މި އަންނަނީ ފެންނަމުންނެވެ. ރޭ އެފްއޭ ކަޕްގެ ގަދަ 16ގައި ލޫޓަން ޓައުން ކޮޅަށް އޭނާ އެކަނި ފަސް ލަނޑު ޖެހި އެވެ. މި މެޗު 6-2 އިން މޮޅުވުމަކީ ތަށި ދިފާއުކުރުމުގެ މަސައްކަތުގައި މެންޗެސްޓަ ސިޓީއަށް އެޅުނު އުއްމީދީ ފިޔަވަޅެކެވެ.

ލޫޓަންގެ ދަނޑުގައި ކުޅުނު މެޗުގައި ހާލޭންޑްގެ އިތުރުން ދެން ލަނޑު ޖެހީ މަޓެއޮ ކޮވަސިޗް އެވެ.

މިއީ ސިޓީއަށް މެޗެއްގެ ތެރޭގައި ހާލޭންޑް ފަސް ލަނޑު ޖަހައިދިން ދެވަނަ ފަހަރެވެ. މިދިއަ ސީޒަންގެ ޗެމްޕިއަންސް ލީގުގެ ގަދަ 16ގައި ފަސް ލަނޑު ކާމިޔާބުކޮށްދީ އާރުބީ ލިޕްޒިގްއާ ދެކޮޅަށް ކުޅެ އެވެ.

ސިޓީއަށް ބަދަލުވި ފަހުން ކުޅުނު 83 މެޗުގައި މިހާތަނަށް ހާލޭންޑް ވަނީ 79 ލަނޑު ޖަހައިފަ އެވެ. އޭގެ ތެރޭގައި އަށް ހެޓްރިކް ހިމެނެ އެވެ.

އެފްއޭ ކަޕަކީ މިދިއަ ސީޒަންގައި ސިޓީން ކާމިޔާބުކުރި ތިން ތަށީގެ ތެރެއިން އެއް ތައްޓެވެ. ދެން ހޯދީ އިނގިރޭސި ލީގާއި ޗެމްޕިއަންސް ލީގުގެ ޗެމްޕިއަންކަމެވެ.