އަމީނީމަގުގެ އީއައިއޭގެ ކަންބޮޑުވުންތައް ހައްލުކުރޭ؛ ފެން ހިންދާ ނިޒާމުގެ ކެޕޭސިޓީ ބޮޑުވާނެ: އަސްލަމް

އެ މަޝްރޫއު ކުރިއަށްގެެންދަން އެންވަޔަރުމަންޓް ޕްރޮޓެކްޝަން އެޖެންސީ (އީޕީއޭ) އިން ހުއްދަ ދީފައިވަނީ އެ މަޝްރޫއު ކުރިއަށް ގެންދާނެ ގޮތް އެއްކޮށް ފައިނަލް ނުވަނީސް

އަމީނީ މަގާއި އެ މަގުގައި ގާއިމްކުރާ ފެން ހިންދާ ނިޒާމުގެ ފައިނަލް ޑިޒައިންތައް އީއައިއޭއާ އެކު ހުށަހަޅާފައި ނުވާތީ އެ ނިޒާމު ފަރުމާކޮށް ނިމިފައި ނުވާ ކަމަށް ގަބޫލުކުރުމުގެ ޖާގަ އޮތް ކަމަށް ބުނެ، ގިނަ ބައެއްގެ ފާޑުކިއުން ވެސް އެ މަޝްރޫއުއަށް އަމާޒުވި 

އެ މަގަކީ އަޑިގުޑަން ގިނަ، ވާރޭ ވެހޭ ކޮންމެ ފަހަރަކު ފެންބޮޑުވުމުގެ މައްސަލަ ކުރިމަތިވާ މަގެއް؛ އެހެންކަމުން، މަގު ތަރައްގީ ކުރާއިރު ރަނގަޅު ފެން ހިންދާ ނިޒާމެއް ގާއިމްނުކޮށްފި ނަމަ، މަޝްރޫއުގެ މަގްސަދު އެއްވެސް ވަރަކަށް ހާސިލް ނުވާނެ ކަމަށް ބުނެ އާންމުން ކަންބޮޑުވުން ފާޅުކުރި

މިހާރު އަމީނީ މަގުގެ ފެން ހިންދުމުގެ ނިޒާމު ހަދާފައިވަނީ "ގްރެވިޓީ ފްލޯއަކުން މަގުމައްޗަށް އެޅޭ ފެން ޕަމްޕް ސްޓޭޝަންތަކުން ޕަމްޕް އައުޓް ކުރާ ގޮތަށް" 

މިހާރު ގްރެވިޓީ ފްލޯގައި ފެން ފްލޯ ކުރަން އަޅާފައި ހުރި ހޮޅިތައް (ވަށަމިނުގައި 150 މިލިމީޓަރާއި 300 މިލިމީޓަރާ ދެމެދުގެ ހޮޅިތަކެއް)، ވަށަމިނުގައި 315 މިލިމީޓަރު ހުންނަ ހޮޅިތަކަށް ބޮޑުކުރާނެ

ޕަމްޕް ސްޓޭޝަންތަކުން ފެން ބޭރުކުރާ ހޮޅިތައް (ވަށަމިނުގައި 160 މިލިމީޓަރާއި 280 މިލިމީޓަރާ ދެމެދުގެ ހޮޅިތަކެއް) ވަށަމިނުގައި 315 މިލިމީޓަރު ހުންނަ ހޮޅިތަކަށް ބޮޑުކުރާނެ

އިތުރު ޕަމްޕް ސްޓޭޝަނަނެއް ގާއިމުކޮށް، ޕަމްޕުތަކުގެ ކެޕޭސިޓީ ބޮޑުކުރާނެ؛ މިހާރުގެ ކެޕޭސިޓީއަކީ 9 ކިލޯ ވޮޓު ކަމަށް ވާއިރު، މަޝްރޫއު ނިމޭއިރު 21 ކިލޯ ވޮޓަށް ބޮޑު ކުރެވޭނެ