ފެންފުށިން މަރުވި ޒުވާނާގެ އާއިލާއަށް ރައީސް ތައުޒިޔާ ވިދާޅުވެއްޖެ

އދ. ފެންފުށީގައި މިއަދު ހަވީރު މޫދަށް އެރި އުޅެނިކޮށް ހާލު ދެރަވެގެން ފަރުވާ ދެމުން ދަނިކޮށް މަރުވި އީސާ ޖުނާހު މުހައްމަދުގެ އާއިލާއަށް ރައީސް އިބްރާހީމް މުހައްމަދު ސޯލިހު މިރޭ ތައުޒިޔާ ވިދާޅުވެއްޖެ އެވެ.

ވީ ކިހިނެއް؟ - ތ. ދިޔަމިގިއްޔަށް އުފަން ޖުނާހު، 23، މަރުވީ މޫދަށް އެރި އުޅެނިކޮށް ހާލު ދެރަވެގެން އދ. މަހިބަދޫގައި ހުންނަ އެ އަތޮޅު ހޮސްޕިޓަލްގައި ފަރުވާ ދެމުންދަނިކޮށް މިރޭގެ ވަގުތެއްގަ އެވެ. އޭނާއާ އެކު މޫދަށް އެރި އުޅުނު ފިރިހެނެއްގެ ހާލު ދެރަވެގެން މިހާރު ވެސް އެ ހޮސްޕިޓަލުގައި ދަނީ ފަރުވާދެމުންނެވެ.

ތަފްސީލް - ޖުނާހުގެ މަރާ ގުޅިގެން ރައީސް ސޯލިހު ވަނީ ފެންފުށީ ކައުންސިލްގެ ރައީސް އަހުމަދު އަބްދުއްޝުކޫރާ ފޯނުން ގުޅުއްވައި އެ ރަށުގެ ހާލަތު ބައްލަވާލައްވާފަ އެވެ. ރައީސް އޮފީހުން ބުނީ:

އެނގުން މުހިއްމު - މިއަދު ރާއްޖޭގެ އެކި ހިސާބުތަކަށް އުދަ އަރައި ގެއްލުން ލިބުނު ރަށްތަކުގެ ތެރޭގައި ފެންފުށި ވެސް ހިމެނެއެވެ. 

ޖުނާހު އާއި އޭނާއާ އެކު މޫދަށް އެރި އުޅުނު 19 އަހަރުގެ އެކުވެރިޔާ ފެނުނީ އެ ދެ މީހުން ގެއްލިގެން ހޯދަމުން ދަނިކޮށެވެ. އެ ދެ މީހުން މޫދަށް އެރި އުޅުނީ ފެންފުށީ ތުނޑި ސަރަހައްދަށް ކަމަށްވެ އެވެ.