2 ގަޑިއިރު ވާންދެން ބޯކޮށް ވާރޭވެހި ހެނބަދޫ ފެނުއަޑިއަށް

ނ. ހެނބަދުއަށް މަދު ވަގުތުކޮޅެއްގެ ތެރޭގައި ބޯކޮށް ވާރޭވެހި، ރަށުގައި ފެންބޮޑުވެ، ބޮޑެތި ގެއްލުންތަކެއް ވެއްޖެ އެވެ.

ވީ ކިހިނެއް؟ - އިއްޔެއިން ފެށިގެން ރާއްޖޭގެ ހުރިހާ ހިސާބަކަށް ވެސް ދަނީ ވިއްސާރަ ކުރަމުންނެވެ. އެގޮތުން، ބައެއް ހިސާބުތަކަށް ހުއްޓުމެއް ނެތި ދަނީ ބޯކޮށް ވާރޭވެހެމުންނެވެ.

ތަފްސީލު - ހެނބަދޫ ކައުންސިލްގެ ޑިރެކްޓަރު އަހުމަދު ރަޝީދު ވިދާޅުވި ގޮތުގައި، މިއަދު ހެނދުނު 6:30 އިން ފެށިގެން އެ ރަށަށް ވެހެން ފެށި ވާރޭ ދެ ގަޑިއިރު ފަހުން ތުނިކޮށްލި އިރު މުޅި ރަށް އޮތީ ފެނު އަޑީގަ އެވެ. އެގޮތުން، ގިނަ ގެތަކަށް ފެން ވަދެ، ހިފާ ގެންގުޅޭ ސާމާނާއި ފަރުނީޗަރު ފަދަ ތަކެތި ހަލާކުވެފައިވާ ކަމަށް އޭނާ ވިދާޅުވި އެވެ.

"ބައެއް ގެތަކުގައި 3 ފޫޓަށް ވެސް ވަނީ ފެންބޮޑުވެފައި. ފަހުގެ ތާރީހެއްގައި މިހާ ބޮޑު ގެއްލުމެއް އަދި މި ރަށަކަށް ނުލިބޭ،" ރަޝީދު ވިދާޅުވި އެވެ.

"ބައެއް ގެތަކުގެ އެނދު ވެސް ހުރީ ފެނު އަޑީގައި. ބެޑްރޫމްސެޓްތައް ވެސް ދެން ބޭނުން ނުކުރެވޭ ވަރަށް ގެއްލުން ލިބިފައި ހުރީ."

އޭނާ ވިދާޅުވި ގޮތުގައި:

ރަޝީދު ވިދާޅުވި ގޮތުގައި، ބޯކޮށް ވާރޭ ވެހެން ފެށިތާ ގަޑިއިރެއްގެ ތެރޭގައި ރަށުތެރޭގައި ފެންބޮޑުވެއްޖެ އެވެ. ފަހުން ހާލަތު ގޯސްވީ، ބިމުގެ އަޑިން ވެސް ފެން އަރަން ފެށުމުން ކަމަށް އޭނާ ވިދާޅުވި އެވެ. 

ރަޝީދު ވިދާޅުވި ގޮތުގައި:

ހެނބަދޫގައި ބޮޑުވި ހިންދުމަށް ސިފައިން ވެސް މިހާރު އަންނަނީ އެ ރަށުގައި ހަރަކާތްތެރިވަމުންނެވެ.