ރާއްޖެއިން އަލަށް ފެނުނު 'ކްރޯމިސް އަބަދަށް'؛ ތަފާތު މަހެއް

މިދިޔަ މަހުގެ ތެރޭގައި ސައިންސްވެރިން ވަނީ ދުނިޔެއިން އަލަށް ފެނުނު މަހެއް ރާއްޖެއިން ހޯދާފަ އެވެ. މި އާ މަހަށް ނަން ދީފައިވަނީ ދިވެހި ބަހެއް ވެސް ހިމަނައިގެން 'ކްރޯމިސް އަބަދަށް' އެވެ. އެ ނަމުގެ ހަގީގަތާއި މަހުގެ އިތުރު ތަފްސީލު، ސައިންޓިސްޓުންގެ ރިސާޗު ކަރުދާހުގައި ވަނީ އާއްމުކޮށްފަ އެވެ.

މިއީ ރާއްޖޭގެ ކަނޑުފަޅުން އާއްމުކޮށް ފެންނަ 'ދަނބާ' އާއިލާގެ މަހެކެވެ. އެކަމަކު ދިވެހި މާހިރުންނާއި ބޭރުގެ ސައިންޓިސްޓުން ގުޅިގެން ކުރިއަށް ގެންދިޔަ މި ރިސާޗުގައި ފެނުނީ، މި އާއިލާގެ އާ ވައްތަރެއްގެ މަހެކެވެ. އަދި މި މަސް، މި އާއިލާގެ އެހެން މަސްތަކާ ތަފާތުކަން ވެސް ފާހަގަކޮށްފައި ވެ އެވެ.

ދިރާސާ ކަރުދާހުގައިވާ ގޮތުގައި:

ދިރާސާ ކަރުދާހުގައި ބުނެފައިވާ ގޮތުގައި މަސް ފެނުނީ، ކަނޑުގެ 95 މީޓަރާއި 110 މީޓަރާ ދެމެދުގެ ފުންމިނަކުންނެވެ. އެއީ، ކަނޑުގެ އަޑިން، އަލި ފަނޑުވާ ހިސާބެވެ. އިތުރަށް ދިރާސާ ކުރުމަށް، ސައިންސްވެރިން ވަނީ ދަލެއް ބޭނުންކޮށްގެން މީގެ ހަތަރު މަސް ހިފާފަ އެވެ.

މި މަސް ފެނިފައިވަނީ، ރޮލެކްސް ކުންފުނީގެ 'ރޮލެކްސް ޕާޕެޗުއަލް ޕްލެނެޓް އިނީޝިއޭޓިވް' އިން ފަންޑު ކޮށްގެން ހިންގި ދިރާސާއަކުންނެވެ. އެހެންވެ، މަހަށް ނަން ދިނީ ޕާޕެޗުއަލްގެ ދިވެހި މާނަ، 'އަބަދަށް' އެވެ. މަހުގެ އަސްލު ނަމަކީ 'ކްރޯމިސް އަބަދަށް' އެވެ.

މި މަހުގެ އިތުރުން ކްރޯމިސް އާއިލާގެ އިތުރުން ތިން ބާވަތެއް މީގެ ކުރިން ވަނީ ފެނިފަ އެވެ. އެއީ:

މި ތިން ބާވަތާ ހިލާފަށް ރާއްޖެއިން ފެނުނު މަހުގައި، ނިގޫ ކައިރީގައި ކަޅު ހުރަސް ރޮނގެއް ނީނދެ އެވެ. އަދި އެހެން މަސްތަކުގެ މަތީ ކޮތަރިގަނޑުގައި 14 ކަށި އިންނައިރު، ކްރޯމިސް އަބަދަށްގައި އިންނަނީ 13 ކައްޓެވެ. އަދި އެހެން މަސްތައް ދުނިޔޭގެ އެކި ހިސާބުތަކުން ފެންނައިރު، ކްރޯމަސް އަބަދަށް ފެނުނީ ހަމައެކަނި ރާއްޖޭގެ ސަރަހައްދުން އެކަނި ކަމަށް ވެސް ކަރުދާހުގައި ވެ އެވެ.