އެންމެ މޮޅު މޮނިއުމަންޓުތަކުގެ ޑިޒައިންތަކުގެ ގޮތުގައި އެއްވަނައަށް ދިޔަ ޑިޒައިންތައް
ހުޅުމާލޭ މޮނިއުމަންޓްތައް ޑިޒައިން ކުރީ އޭއައިގެ އެހީގަތަ؟ އެޗުޑީސީން ބަލަނީ
ހުޅުމާލޭގެ އެކި ތަންތަނުގައި ބަހައްޓާ މޮނިއުމަންޓުތައް ޑިޒައިން ކުރުމަށް ހުޅުވާލި މުބާރާތުން އެއް ވަނަ ހޯދި ހުށަހެޅުންތަކަކީ އާޓިފިޝަލް އިންޓަލިޖެންސް ނުވަތަ އޭއައިގެ އެހީގައި ހަދާފައިވާ ތަކެތި ކަމަށް ބުނާތީ، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އެކަން ބަލަން ފަށައިފި އެވެ.
ވީ ކިިހިނެއް؟- ހުޅުމާލޭގެ 17 ތަނެއްގައި ބެހެއްޓުމަށް މޮނިއުމަންޓުތައް ޑިޒައިން ކުރުމުގެ މުބާރާތް ހުޅުވާލާފައިވަނީ މިދިޔަ ސެޕްޓެމްބަރު މަހު ފަހުކޮޅުގަ އެވެ. އެ މުބާރާތަށް:
-
ހަތް ފަރާތަކުން ޑިޒައިން ހުށަހެޅި
-
އެއް ވަނަ ހާސިލްކޮށްފައިވަނީ، އަބްދުﷲ ޝައިމާން ވަހީދާއި އިބްރާހިމް އިފާޒުގެ 'ޓީމް އާކޯސް'
-
ވަނަ ދީފައިވަނީ، ކަނޑައަޅާފައިވާ ޕްރޮފެޝަނަލް ސްޓާފުން ހިމެނޭ ޖަޖުން ޕެނަލަކުން ކަމަށް އެޗްޑީސީން ބުނޭ
އެއްވަނައަށް އަންނަ ފަރާތަށް 100،000 ރުފިޔާގެ އިނާމު ލިބޭ އެ މުބާރާތުގެ އެންމެ މޮޅު ހޮވުން އެޗްޑީސީން ދައްކާލުމާ އެކު ގިނަ ބައެއްގެ ފާޑުކިޔުން އަމާޒުވި އެވެ. އެންމެ ގިނަ ބަޔަކު އިނގިލި ދިއްކުރީ އެއީ، އޭއައިގެ އެހީގައި ޑިޒައިންކޮށްފައިވާ މޮނިއުމަންޓުތަކެއް ކަމަށް ބުނެ އެވެ.
އެޗްޑީސީން މިއަދު ނެރުނު ބަޔާނެއްގައި ބުނީ، ޑިޒައިންގެ ސައްހަ ކަމާމެދު ސުވާލު އުފެދޭނެ ޖާގަ އޮތުމުން މިހާރު އެކަން ބަލަން ފަށާފައިވާ ކަމަށެެވެ. ޑިޒައިންތަކަކީ އޭއައި ޖެނެރޭޓެޑް ކުރެހުންތަކެއް ކަމަށް ބުނެ ބައެއް މީހުން އެ ކުންފުންޏަށް ވެސް ޝަކުވާ ހުށަހަޅާފައިވާ ކަމަށް އެތަނުން ބުންޏެވެ.
އެޗްޑީސީން ބުނީ:
-
މި ފަދަ މުބާރާތްތަކުގައި ދިވެހި ފަންނުވެރިންނަށް ޖާގަ ނުލިބޭ ގޮތަށް އަމަލު ނުކުރާނެ ކަމަށް
-
އަމާޒަކީ އެތަނުގެ ހުރިހާ މަސައްކަތަކީ ވެސް ދެފުށް ފެންނަ ގޮތަށް ކުރާ މަސައްކަތްތަކެއް ކަމަށް ހެދުން ކަމަށް
ކޮމެންޓް