އޭސީސީގެ އިސް މީހަކު ހިޔާނާތުގެ މައްސަލައެއްގައި ސަސްޕެންޑްކޮށްފި

އެންޓި-ކޮރަޕްޝަން ކޮމިޝަން (އޭސީސީ)ގެ ރެކްރިއޭޝަން ކްލަބްގެ ފައިސާއަށް ހިޔާނާތްތެރިވި ކަމުގެ ތުހުމަތުގައި އެ ތަނުގެ އިސް މީހަކު ސަސްޕެންޑްކޮށްފި އެވެ.

ވީ ކިހިނެއް؟ - 'ދައުރު'އަށް އެނގިފައިވާ ގޮތުގައި، ސަސްޕެންޑްކޮށްފައިވަނީ އެ ތަނުގެ ޑެޕިއުޓީ ޑިރެކްޓަރު އަދި ރެކްރިއޭޝަން ކްލަބްގެ ރައީސް ހަސަން މަނިކެވެ.

އެކަމާ ގުޅިގެން އޭސީސީއިން މިއަދު ނެރުނު ބަޔާނެއްގައި ބުނީ، ހިޔާނާތުގެ މައްސަލަ ފާހަގަވީ އެ ކޮމިޝަނުން މިހާރު ކުރަމުންދާ، ރެކްރިއޭޝަން ކްލަބްގެ މާލީ އޮޑިޓްގެ ތެރެއިންނެވެ. އަދި އެ މައްސަލަ ބަލަން ފެށުމާ އެކު، ކްލަބްގެ ރައީސް އޭނާގެ ޒިންމާތަކުން ދުރުކޮށް ސަސްޕެންޑްކޮށްފައިވާ ކަމަށް އެ ތަނުން ބުންޏެވެ.

ތަފްސީލް - އޭސީސީގެ ބަޔާނުގައި ބުނި ގޮތުގައި:

އޭސީސީގެ ރެކްރިއޭޝަން ކްލަބް ހިންގަނީ މުވައްޒަފުން އަތުން ޗަންދާ ނަގައިގެންނެވެ.

ސަސްޕެންޑް ކުރި މުވައްޒަފާ ގުޅޭ ގޮތުން ބަލަމުން ދަނީ ހިޔާނާތުގެ ކޮން މައްސަލައެއް ކަމެއް އޭސީސީގެ ބަޔާނުގަ ބުނެފައެއް ނުވެ އެވެ. އެކަމަކު 'ދައުރު'އަށް އެނގިފައިވާ ގޮތުގައި، އޭނާ ވަނީ އެކި ކަންކަމަށް މުވައްޒަފުން ކްލަބްގެ އެކައުންޓަށް ޖަމާކޮށްފައިވާ އެތައް ލައްކަ ރުފިޔާ ވަގަށް ނަގައިފަ އެވެ.