އެޑްވައިޒަ ޓު ދަ ޕްރެޒިޑެންޓް އޮން ޓޫރިޒަމް ޑިވެލޮޕްމަންޓްގެ މަގާމަށް އައްޔަންކުރެއްވި މުހައްމަދު ހަލީލްއަށް އެ މަގާމުގެ ލިޔުން، ރައީސް ޑރ. މުހައްމަދު މުއިއްޒު ހަވާލުކުރައްވަނީ (ފައިލް ފޮޓޯ/ރައީސް އޮފީސް)
އެޑްވައިޒަރު ހަލީލް އިކޮނޮމިކް ކައުންސިލަށް އައްޔަންކޮށްފި
ރައީސް މުހައްމަދު މުއިއްޒުގެ ޓޫރިޒަމް އެޑްވައިޒަރު މުހައްމަދު ހަލީލް އިކޮނޮމިކް ކައުންސިލަށް އައްޔަނު ކުރައްވައިފި އެވެ.
ވީ ކިހިނެއް؟ - 'ދައުރު' އަށް އެނގިފައިވާ ގޮތުގައި އޭނާ އެ ކައުންސިލަށް އައްޔަންކުރީ މިއަދު އެވެ. ހަލީލަކީ ދ. ކުޑަހުވަދޫ އެއާޕޯޓް ހިންގާ ކުންފުންޏާއި ތިން ރިސޯޓް ހިންގާ ޕަލްސް ހޮޓެލްސް އެންޑް ރިސޯޓްސް އާއި ރިއޯލޯ ގްރޫޕުގެ އިތުރުން، މަންޓާ އެއާގެ ވެސް އެއް ހިއްސާދާރެވެ. އަމަލީ ގޮތުން އެ ކުންފުނިތައް ހިންގެވުމުގައި ވެސް އެންމެ އިސް އެއް ދައުރެއް އަދާކުރައްވަނީ އޭނާ އެވެ.
ފާހަގަކޮށްލެވޭ ކަމެއް - ހަލީލު އިކޮނަމިކް ކައުންސިލަށް އައްޔަންކުރައްވާފައި މިވަނީ ރާއްޖޭގެ ބޭންކުތަކަށް ޑޮލަރު މާރުކުރަން މަޖުބޫރުކޮށް، މަރުކަޒީ ބޭންކް، އެމްއެމްއޭއިން އެކުލަވާލި އާ ގަވައިދަށް އަމަލު ކުރަން އޭނާ މެނޭޖިން ޑިރެކްޓަރުގެ މަގާމް ފުރުއްވާ ޕަލްސް ކުންފުނިން ދެކޮޅު ހަދާފައިވަނިކޮށެވެ.
ކޮމެންޓް (1)
ކަލީލާ