ވޭޕްގެ ގެއްލުން ސިއްހީ ދާއިރާގެ މީހުން އާންމުންނަށް ކިޔައިދޭން ސާޖިދާ އެދިވަޑައިގެންފި

ވޭޕު ކުރުން ފަދަ ކަންކަމުގައި ހުރި ގެއްލުންތައް ރައްޔިތުންނަށް ކިޔަދިނުމަށް ސިއްހީ ދާއިރާގައި މަސައްކަތްކުރައްވާ ފަރާތްތަކުގެ ކިބައިން ރައީސްގެ އަނބިކަނބަލުން ސާޖިދާ މުހައްމަދު މިއަދު އެދިވަޑައިގެންފި އެވެ.

ވީ ކިހިނެއް؟ - ސާޖިދާ މިކަމަށް އެދިލެއްވީ ހެލްތު މިނިސްޓްރީގައި މަސައްކަތްކުރާ މުވައްޒަފުންގެ 52 ހަފުތާގެ މަސައްކަތުގެ އަގުވަޒަންކުރުމަށް މިއަދު ބޭއްވި ރަސްމިއްޔާތުގަ އެވެ. އޮރެންޖު ހިޔާގައި ކުރިއަށްދިޔަ އެ ރަސްމިއްޔާތު ޝަރަފުވެރިކޮށްދެއްވީ ސާޖިދާ އެވެ.

ބުނީ ކީކޭ؟ - ސިއްހީ ދާއިރާގެ ފަރާތްތަކަކީ އިހުލާސްތެރިކަމާއެކު މަސައްކަތްކުރައްވާ ބައެއްކަން ފާހަގަކުރައްވާ ސާޖިދާ ވަނީ:

ފާހަގަކޮށްލެވޭ ކަމެއް - މި ރަސްމިއްޔާތުގައި ހެލްތު މިނިސްޓްރީގައި މިވަގުތު ހުންނެވި އެންމެ ގިނަ ދުވަސްވީ ސިވިލް މުވައްޒަފުގެ ހިދުމަތުގެ އަގުވަޒަންކުރުމުގެ ގޮތުން ކޭކެއް ފެޅުން ވެސް އޮތެވެ. އަދި ހެލްތު މިނިސްޓްރީގެ ސިވިލްސާވިސް މުވައްޒަފުންގެ މަސައްކަތުގެ އަގުވަޒަންކޮށް ދެއްވާ ޝުކުރުގެ ބެޖު ވެސް ސާޖިދާ ވަނީ ހަވާލުކޮށްދެއްވާފަ އެވެ.

ގުޅުންހުރި ކަމެއް - ރާއްޖޭގައި ވޭޕް އެތެރެ ކުރުމާއި ބޭނުން ކުރުން އަދި ވިއްކުން މަނާ ކުރުމަށް އުފައްދާފައިވާ ދުންފަތް ކޮންޓްރޯލް ކުރުމުގެ ގާނޫނަށް މިމަހުގެ 14އިން ފެށިގެން ވަނީ އަަމަލުކުރަން ފަށާފަ އެވެ. އެއާ އެކު ރާއްޖެއަށް ވޭޕް އެތެރެކުރުން މަނާވެފައިވާއިރު އެކަންކޮށްފިނަ ބޮޑެތި ޖޫރިމަނާތަކެއް އަންނާނެ އެވެ. އަދި އަންނަ މަހު 15 އިން ފެށިގެން ވޭޕް ބޭނުން ކުރުމާއި ވިއްކުން އަދި ބެހުން މަނާވާނެ އެވެ.