މީގެ ކުރިން ބޭއްވި ޝަރީއަތުގެ މަޖިލީހެއްގައި ހަލީމަތު ލަމްހާ
ލަމްހާ ގައިދީންތަކަކަށް މަރުގެ އިންޒާރު ދިން މައްސަލައެއް ބަލަނީ
އައިޖީއެމްއެޗުގައި މަސައްކަތްކުރި ފިލިޕީންސްގެ ނަރުހެއް ކަމަށްވާ މޭރީ ގްރޭސް އޮނެޑް ޕިނެޑާގެ މަރުގެ މައްސަލާގައި ޝަރީއަތް ނިމެންދެން ބަންދުކޮށްފައިވާ ހަލީމަތު ލަމްހާ އަބްދުއްރަހްމާނު ގައިދީންތަކަކަށް ޖަލުގައި މަރުގެ އިންޒާރުދިން މައްސަލައެއް ބަލަން ފަށައިފި އެވެ.
ވީ ކިހިނެއް؟ - މިފަދަ މައްސަލައެއް ފުލުހުން ތަހުގީގު ކުރަމުން އަންނަކަން ހާމަކޮށްފައިވަނީ ލަމްހާގެ ފަރާތުން ބަންދު މުރާޖައާ ކޮށްދިނުމަށް އެދި ހުށަހަޅާފައިވާތީ އެކަމާ މެދު ގޮތެއް ނިންމަން މިއަދު ހެނދުނު ބޭއްވި ޝަރީއަތުގެ މަޖިލީހުގައި ދައުލަތުންނެވެ.
އޭނާ ޝަރީއަތް ނިމެންދެން ބަންދުކޮށްފައި ހުރި ހާލަތަށް އެއްވެސް ބަދަލެއް އައިސްފައި ނުވާތީ ޝަރުތުތަކަކާ އެކު ގޭބަންދަށް ނަމަވެސް ދޫކޮށްލަން މިދިޔަ ބުރާސްފަތި ދުވަހު ބޭއްވި އަޑުއެހުމުގައި ވެސް ދައުލަތުން ވަނީ ދެކޮޅުހަދައިފަ އެވެ.
ތަފްސީލް - އެކަމާ މެދު ގޮތެއް ނިންމެވުމުގެ ކުރިން މިއަދު ބޭއްވި އަޑުއެހުމުގައި އިތުރު ކަމެއް ފާހަގަކުރަން އޮތް ނަމަ އެކަން ފާހަގަކުރަން ދައުލަތަށް ދިން ފުރުސަތުގައި ދައުލަތުގެ ވަކީލު އައިޝަތު އަޒްލީނާ ވިދާޅުވީ އޭނާގެ ފުށުން މުޖުތަމައުއަށް އޮތް ނުރައްކާ އަދިވެސް ކުޑަ ނުވާ ކަމަށެވެ.
އޭގެ ސަބަބުތައް ފާހަގަކުރައްވަމުން އޭނާ ވިދާޅުވީ ލަމްހާ ޖަލުގައި ގައިދީންތަކަކަށް ބިރުދައްކައި އެ ގައިދީންނަށް މަރުގެ އިންޒާރުދިން މައްސަލައެއް ފުލުހުންނަށް ހުށަހަޅައި ބަލަމުން އަންނަ ކަމަށެވެ.
އެއީ ކޮން އިރަކު ހިނގި ކަމެއްތޯ ގާޒީ ހުސެއިން ފާއިޒް ރަޝާދު ސުވާލުކުރެއްވުމުން ދައުލަތުގެ ވަކީލު އައިމިނަތު ޝާމާ ނަސީރު ވިދާޅުވީ އެއީ ގައިދީންތަކެއް ހިއުމަން ރައިޓްސް ކޮމިޝަން (އެޗްއާރްސީއެމް) އަށް މިދިޔަ އެޕްރީލް މަހު ހުށަހެޅި މައްސަލައެއް ކަމަށެވެ. އެ މައްސަލަ އެޗްއާރްސީއެމްއިން ހަމަ އެ މަހު ފުލުހުންނަށް ހުށަހެޅި ކަމަށް ވެސް ވިދާޅުވި އެވެ.
މިކަމާ ގުޅޭ ގޮތުން ލަމްހާގެ ވަކީލު އަހުމަދު ޔާމީން ވިދާޅުވީ ދުރާލާ އެންގުމެއް ނެތި އެފަދަ ވާހަކައެއް ޝަރީއަތުގެ މަޖިލީހުގައި މިއަދު ދައުލަތުން ދެއްކީ އެންމެ ޒިންމާދާރުކޮށް ނޫން ކަމަށެވެ. ނަމަވެސް އެކަމާ ގުޅޭ ގޮތުން އޭނާ ވެސް މިއަދުގެ އަޑުއެހުމުގައި ވާހަކަދައްކަވާފައެއް ނުވެ އެވެ.
އެނގުން މުހިންމު - ގައިދީންތަކަކަށް މަރުގެ އިންޒާރު ދިން މައްސަލައެެއް ބަލަމުންދާކަން ދައުލަތުން މިއަދުގެ އަޑުއެހުމުގައި ފާހަގަކޮށްފައި ވިޔަސް ގާޒީ ފާއިޒް ނިންމެވީ ލަމްހާ ތިން މަސްދުވަހަށް ބަންދުން ދޫކޮށްލުމަށެވެ.
މަރުގެ އިންޒާރުގެ ވާހަކަ މީގެ ކުރިން ދައުލަތުން ފާހަގަކޮށްފައި ނުވާތީ، އެކަމާ ގުޅޭ ލިޔެކިއުންތައް ހުށަހަޅަން ދައުލަތަށް ގާޒީ ފުރުސަތު ދެއްވި އެވެ. އަދި، އެ ލިޔެކިއުންތަކަށް ބެއްލެވުމަށް ފަހު، ބަންދުން ދޫކޮށްލަން ނިންމި ނިންމުމަށް ބަދަލު ގެންނަންޖެހޭ ނަމަ އެކަން ކުރައްވާނެ ކަމަށް ގާޒީ ވިދާޅުވި އެވެ.
މައްސަލައިގެ ހުލާސާ
މއ. އުދުހޭކޮކާގޭގެ ފުރަތަމަ ފަންގިފިލާގައި ދިރިއުޅެމުން އައި މޭރީގެ ފިރިމީހާ މާވިން ވާގަސް އާއި ފިރިމީހާގެ ލޯބިވެރިޔާ ކަމަށް ބުނާ ލަމްހާ ގުޅިގެން 19 އޮކްޓޫބަރު 2021ގައި މޭރީ މަރާލި ކަމަށް ދައުލަތުން ތުހުމަތު ކުރަނީ މޭރީގެ ބޮލާއި ކަރަށް ހަމަލާދީގެންނާއި ނޭވާ ހާސްކޮށްލައިގެންނެވެ.
މި މައްސަލާގައި މާވިންގެ މައްޗަށް ގަސްތުގައި މީހަކު މަރާލިކަމުގެ ދައުވާކޮށްފައިވެ އެވެ. އެ މަރުގައި އެހީތެރިވެދިނުމުގެ ދައުވާއާ އެކު ލަމްހާގެ މައްޗަށް ތިން ދައުވާއެެއް ކުރެ އެެވެ.
ލަމްހާގެ މައްޗަށް ކުރަނީ:
-
އެނގި ހުރެ މީހަކު މެރުމުގައި ބައިވެރިވުމުގެ ދައުވާ - ދައުވާގައިވާ ގޮތުން، މޭރީ މަރާލާފައިވަނީ މާވިން އާއި ލަމްހާ ދުރާލާ ރާވައިގެން އަދި މޭރީ މަރާލުމަށް މާވިންއަށް ލަމްހާ އެހީތެރިވެދީފައިވޭ
-
ހުއްދަ ނަގައިގެން ކުރަން ޖެހޭ ކަމެއް ހުއްދަ ނުނަގާ ކުރުމުގެ ދައުވާ - ދައުވާގައިވާ ގޮތުން މޭރީ މަރާލުމަށް ދުރާލާ ތައްޔާރުވެ، އައިޖީއެމްއެޗުން ބޭރުކުރުން މަނާ ކޮންޓްރޯލް ބޭސްތަކެއް ލަމްހާ ގެއަށް ގެންގޮސްފައިވޭ؛ އެ ތަކެތި ލަމްހާގެ ކޮޓަރި ތެރެއިން ފެނިފައިވާ ކަމަށް ދައުލަތުން ބުނޭ
-
އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތެއްގައި ބާރު ހިންގުމުގެ ކުށުގެ ދައުވާ
-
ދައުވާތައް ސާބިތުވެއްޖެ ނަމަ، ދެ މީހުންނަށް ވެސް މަދުވެގެން 10 އަަހަރުގެ ޖަލު ހުކުމެއް އަންނާނެ
ކޮމެންޓް (1)
ާހުސްނާ