ރައީސް މުއިއްޒު ސައުދީގައި: އެ ގައުމުގައި އޮތް އިސްލާމިކް-އަރަބް ސަމިޓްގައި ބައިވެރިވެވަޑައިގަތުމަށްފަހު، ކޮޕް ސަމިޓަށް އަޒަރްބައިޖާންއަށް ފުރާ ވަޑައިގެންފައި (ފޮޓޯ/ ރައީސް އޮފީސް)
ރައީސް ކޮޕް ސަމިޓަށް ފުރާވަޑައިގެންފި
އދ.ގެ ތިމާވެއްޓާ ބެހޭ ސަމިޓް، ކޮޕް29ގައި ބައިވެރިވެވަޑައިގަތުމަށް ރައީސް މުހައްމަދު މުއިއްޒު މިއަދު އަޒަރްބައިޖާނަށް ފުރާވަޑައިގެންފި އެވެ.
ވީ ކިހިނެއް؟ - އަޒަރްބައިޖާންގެ ވެރިރަށް ބާކޫގައި ބާއްވާ މި ސަމިޓްގައި ބައިވެރިވަޑައިގަތުމަށް ރައީސް މުއިއްޒު މިއަދު ފުރާވަޑައިގެންނެވީ، އިއްޔެ ސައުދީގައި ބޭއްވި އަރަބް-އިސްލާމިކް ޖޮއިންޓް ސަމިޓްގައި ބައިވެރިވަޑައިގަތުމަށް ފަހު، ރިޔާދު މަގުންނެވެ.
ތަފްސީލު - ރައީސްގެ ދަތުރުފުޅާ ގުޅޭ ގޮތުން ރައީސް އޮފީހުން ބުނީ:
-
މި ދަތުރުފުޅުގައި ރައީސްއާ އެކު ސަރުކާރުގެ މަތީ ފަންތީގެ ވަފްދެއް ބައިވެރިވާނެ
-
ސަމިޓްގައި ރައީސް ތަގްރީރުކުރައްވާނެ
-
އޭގެެ އިތުރުން، މަތީ ފަންތީގެ އެކިއެކި ހަރަކާތްތަކާއި މަޝްވަރާތަކުގައި ބައިވެރިވެވަޑައިގެން އަދި އެހެނިހެން ލީޑަރުންނާ އެކު ބައިލެޓްރަލް ބައްދަލުވުންތައް ބޭއްވުމަށް ވަނީ ހަމަޖެހިފައި
ރައީސް އޮފީހުން ބުނި ގޮތުގައި، ދެމެހެއްޓެނިވި ތަރައްގީގެ ލަނޑުދަނޑިތަކާއި މޫސުމަށް އަންނަ ބަދަލުތައް ނައްތާލުމަށް ކުރާ މަސައްކަތްތަކާ ގުޅޭ މި ސަމިޓަކީ ރާއްޖެއަށް މުހިންމު ޕްލެޓްފޯމެކެވެ. އަދި ތަރައްގީވަމުން އަންނަ ކުދި ގައުމުތަކަށް ދިމާވެފައިވާ ތަފާތު ގޮންޖެހުންތަކަށް ރައީސް މުއިއްޒަކީ ވަރަށް ބޮޑަށް ވަކާލާތު ކުރައްވާ ބޭފުޅެއް ކަމަށް އެ އޮފީހުން ފާހަގަކޮށްފައިވެ އެވެ.
ކޮމެންޓް