ފުވައްމުލަކުގައި ގެއްލިގެން ހޯދަމުންދާ ކުޑަކުއްޖާ
ފުވައްމުލަކުން ގެއްލުނު 4 އަހަރުގެ ކުއްޖާ ފެނިއްޖެ
ކުޑަކުއްޖާ ގެއްލުނީ މިއަދު ހަވީރު، އޭނާ ދިރިއުޅޭ ގޭގެ ކައިރިން
10 ނޮވެމްބަރު 2024
ފުވައްމުލަކުގައި 4 އަހަރުގެ ފިރިހެން ކުއްޖަކު ގެއްލިގެން ހޯދަމުން ދަނިކޮށް އެ ކުއްޖާ ފެނިއްޖެ އެވެ.
ވީ ކިހިނެއް؟ - ކުޑަކުއްޖާ ހޯދުމަށް އާއްމުންގެ އެހީތެރިކަމަށް އެދި، އެ ކުއްޖާގެ އާއިލާއިން މިއަދު އިރުއޮއްސުނު އިރު ވަނީ ފޭސްބުކްގައި ޕޯސްޓެއް އާއްމުކޮށްފަ އެވެ. އޭގައި ބުނެފައިވާ ގޮތުގައި ކުއްޖާ ގެއްލުނީ ދިގުވާޑު އަވަށު ފްލެޓްތައް ކައިރިންނެވެ.
ތަފްސީލް - ފުވައްމުލަކު ކައުންސިލުން ބުނި ގޮތުގައި އެ ކުއްޖާ ދިރިއުޅެނީ އެއިން ފްލެޓެއްގަ އެވެ. ގެއްލުނީ ހަވީރު ފަހެއް ޖަހާކަންހާއިރު އެވެ.
ނަމަވެސް، އޭނާ ހޯދަމުން ދަނިކޮށް ވަނީ ފެނިފަ އެވެ. ފުލުހުން ބުނީ އެ ކުއްޖާގެ ހާލު ރަނގަޅު ކަމަށެވެ.
ކޮމެންޓް