އާބަން ސެންޓަރުތައް ކަނޑައެޅިގޮތުން ފާޑުކިޔަނީ

އާބަން ސެންޓަރުތަކުގެ ގޮތުގައި ހަތް ރަށެއް ރައީސް މުހައްމަދު މުއިއްޒު ކަނޑައަޅުއްވައި، ހައުސިން މިނިސްޓްރީން އެ ރަށްތައް އިއްޔެ ވަނީ އިއުލާނުކޮށްފަ އެވެ. އެއާ އެކު ގިނަ ބައެއްގެ ފާޑުކިއުންތައް ސަރުކާރަށް އަމާޒުވި އެވެ. އެ ފާޑުކިއުންތަކަށް ރައީސް މުހައްމަދު މުއިއްޒު މިއަދުވަނީ ރައްދު ވެސް ދެއްވައިފަ އެވެ.

އާބަން ސެންޓަރުތަކުގެ ގޮތުގައި ކަނޑައަޅާފައިވާ ރަށްތަކަކީ:

ރައީސް ވިދާޅުވީ މާލޭ އާބަން ސެންޓަރުގެ އިތުރުން އެންމެ އުތުރުގެ ތިން އަތޮޅު ހިމެނޭހެން ނޮދަން އިންޓަގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ ހަތަރު އަތޮޅު ހިމެނޭހެން ސަދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްގީ ކުރުން އެއީ ސަރުކާރުގެ ސިޔާސަތެއް ކަމަށެވެ. އަދި އެކަން ކުރީ އެމަނިކުފާނުގެ މެނިފެސްޓޯގައި ކަނޑައަޅާފައިވާ ގޮތަށް ކަމަށެވެ.

ރައީސްގެ އެ ރައްދަށް އިދިކޮޅު އެމްޑީޕީން މިވަނީ ފާޑުކިޔަން ފަށައިފަ އެވެ. އެމްޑީޕީގެ ޗެއާޕާސަން ފައްޔާޒް އިސްމާއިލް 'އެކްސް'ގައި ކުރެއްވި ޕޯސްޓެއްގައި ވިދާޅުވީ ސަރުކާރުން ހަތް ރަށެއް އާބަން ސެންޓަރުގެ ގޮތުގައި ތަރައްގީ ކުރަން އިއުލާނު ކުރީ އެއްވެސް މަޝްވަރާ ކުރުމެއްނެތި އަދި ރައްޔިތުންގެ ހިޔާލެއް ވެސް ހޯދުމަކާ ނުލައި ކަމަށެވެ.

އަދި ފައްޔާޒުވަނީ ރައީސް މީގެކުރިން ވިދާޅުވެފައިވާ ގޮތާ އިދިކޮޅަށް ކަންކަން ނިންމަމުން އަންނަ ކަމަށް ވެސް ވިދާޅުވެފަ އެވެ.

"ގައުމީ ތަރައްގީގެ 20 އަހަރުގެ މާސްޓާޕްލޭން ވެސް އެކުލަވާލާނީ އެހެންކަމާއި އެ ޕްލޭނާ އެއްގޮތަށް ކަންކަން ވެސް ނުކުރައްވާނެކަން ދިވެހި ރައްޔިތުންނަށް މިއަދު ޔަގީންވޭ. ހުއްޓުމެއް ނެތި ހައްދަވަނީ ހުސް ދޮގު،" ފައްޔާޒްގެ ޕޯސްޓުގައި ވިދާޅުވެފައިވެ އެވެ.

އެމްޑީޕީގެ ރައީސް އަބްދުﷲ ޝާހިދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ އާބަން ސެންޓަރު ކަނޑައެޅުމުގައި ބޮޑު ތިލަދުންމައްޗާއި ރާއްޖޭގެ ދެކުނުގެ ސަރަހައްދު އުނިވެފައިވާ ސަބަބު ހާމަކޮށްދޭން ޖެހޭ ކަމަށެވެ. އަދި އެފަދަ ކަންކަން ނިންމުމުގައި ރަށު ކައުންސިލްތަކާއި އަތޮޅު ކައުންސިލްތަކުގެ މަޝްވަރާ ހޯދުމަކީ މުހިންމު ކަމެއް ކަމުގައި ދެކެވަޑައިގަންނަވާ ކަމަށެވެ.

"އާބަން ސެންޓަރުގެ ގޮތުގައި ރަށްތަކެއް ކަނޑައެޅުމުގެ މަގްސަދަކީ ލާމަރުކަޒީ ނިޒާމުން ރަށް ރަށް ހިންގުމުގެ ނިޒާމުން އެރަށްތައް ވަކިކޮށް މާލޭން ހިންގަންފެށުން ކަމުގައިވެގެން ނުވާނެ" ޝާހިދުގެ ޕޯސްޓުގައި ވިދާޅުވެފައިވެ އެވެ.

އެމްޑީޕީގެ އިތުރުން އާންމުންގެ ގިނަ ބަޔަކު ވެސް އަންނަނީ އެކަމަށް ވަރަށް ބޮޑަށް ފާޑުކިޔަމުންނެވެ. އެގޮތުން ބޮޑެތި ބައެއް އަތޮޅުތައް ދޫކޮށްލާފައިވާ ކަމަށާއި ރަށްތައް ކަނޑައަޅާފައިވާ ގޮތާ މެދު އަންނަނީ ސުވާލު އުފައްދަމުންނެވެ.

އެކަމާ ގުޅޭގޮތުން ރައީސް އޮފީހުގެ ތަރުޖަމާނު ހީނާ ވަލީދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ މާލޭ އާބަން ރީޖަންގެ އިތުރުން މަތީ ފަންތީގެ ހިދްމަތްލިބޭ ސަރަހައްދެއްގެ ގޮތުގައި އުތުރުގެ ތިން އަތޮޅު ތަރައްގީ ކުރުމަށް ހަމަޖެހިފައިވަނީ އިދާރީ މައި ހަބުގެ ގޮތުގައި ކުޅުދުއްފުށި ހިމަނައިގެން އަދި ދެކުނުގެ ހަތަރު އަތޮޅު ހިމެނޭހެން އިދާރީ މައި ހަބުގެ ގޮތުގައި އައްޑޫ ސިޓީ ހިމަނައިގެން ކަމަށެވެ.

"މިހާރު ހައުސިން މިނިސްޓްރީން އާންމު ކުރައްވާފައިވަނީ މި ދެ އާބަން ރީޖަންގެ އިތުރުން، އާބަން ސެންޓަރުގެ ގޮތުގައި ތަރައްގީ ކުރެއްވުމަށް ކަނޑައެޅުއްވި ހަތް ރަށް. ކުރީ ސަރުކާރުގެ އިސްވެރިންނަށް ކަންކަން ނޭނގި ވާހަކަދައްކަނީ، ނޫނީ ކަން ކަން އޮޅުވާލަން ގަސްތުގައި ދޮގު މައުލޫމާތު ފަތުރަނީ،" ހީނާ ވިދާޅުވި އެވެ.

ގުޅުންހުރި - ރައީސް މުހައްމަދު މުއިއްޒުގެ މެނިފެސްޓޯގައިވާ ގޮތުން ހަތް އާބަން ސެންޓަރަކާއި އުތުރާއި ދެކުނުގައި ޑިވެލޮޕްމަންޓް ޒޯނެއް ކަނޑަައަޅާނެ އެވެ. ތަރައްގީގެ ޕްލޭންތައް ރާވާނީ އެ ސަރަހައްދުތަކަށް ބެހިގެންދާ ގޮތަށެވެ. އެގޮތުން: