އާބަން ސެންޓަރުތައް ކަނޑައެޅީ މެނިފެސްޓޯގައިވާ ގޮތަށް: ރައީސް

ދެމެހެއްޓެނިވި ސަރަހައްދީ ތަރައްގީގެ ސިޔާސަތުގެ ދަށުން މާލެ އާބަން ރީޖަންގެ އިތުރުން އެންމެ މަތީ ފަންތީގެ ހިދްމަތްތައް ހިމެނޭހެން 7 އާބަން ސެންޓަރު ކަނޑައެޅީ ރައީސް މުހައްމަދު މުއިއްޒުގެ މެނިފެސްޓޯގައިވާ ގޮތަށް ކަމަށް އެމަނިކުފާނު މިރޭ ވިދާޅުވެއްޖެ އެވެ.

ވީ ކިހިނެއް؟ - އާބަން ސެންޓަރުތަކުގެ ގޮތުގައި ހަތް ރަށެއް ކަނޑައަޅައި އެ ރަށްތައް މިއަދު ހައުސިން މިނިސްޓްރީން ވަނީ އިއުލާނުކޮށްފަ އެވެ.

އެ ރަށްތަކަކީ:

ތަފްސީލް - އެ ރަށްތައް އިއުލާނުުކުރުމާ އެކު ގިނަ ބައެއްގެ ފާޑުކިއުންތައް ރައީސަށް އަމާޒުވި އެވެ. އެކަން ކަމަށް ރައްދު ދެއްވައި ރައީސް މިއަދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ މާލޭ އާބަން ސެންޓަރުގެ އިތުރުން އެންމެ އުތުރުގެ 3 އަތޮޅު ހިމެނޭހެން ނޮދަން އިންޓަގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ 4 އަތޮޅު ހިމެނޭހެން ސަދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްގީ ކުރުން އެއީ ސަރުކާރުގެ ސިޔާސަތެއް ކަމަށެވެ. 

އަދި މިކަންކަމަކީ ކުރިއަށް އޮތް 20 އަހަރު ދުވަހަށް އެކަށައަޅަން މަސައްކަތް ފަށާފައިވާ ތަރައްީގެ މާސްޓަޕްލޭންގައި ރާއްޖޭގެ ހުރިހާ ރަށެއްގެ ރައްޔިތުންގެ ހިޔާލާއި ފަންނީ ފަރާތްތަކާއި ކައުންސިލްތަކާއި ކަމާބެހޭ ހުރިހާ ފަރާތްތަކެއްގެ ބައިވެރިވުމާއެކު އެކަށައެޅުމަށް ގަސްދުކުރާ ކަންކަން ކަމަށް އެމަނިކުފާނު ވިދާޅުވި އެވެ.

ރައީސް ވިދާޅުވީ ކަންކަމުގެ ހަގީގަތް ނުބަލާ ސިޔާސީ ފައިދާ ހޯދުމުގެ ނިޔަތުގައި ސިޔާސީ ބައެއް ފަރާތްތަކުން ކުރާ ކަންކަމުގެ ޒިންމާ ނަގަން ޖެހޭނީ އެފަރާތްތަކުން ކަމަށެވެ.

"ކަންކަމުގެ ހަގީގަތް ނުބައްލަވާ ނުވަތަ ހަގީގަތް އެނގިވަޑައިގެން ތިއްބަވައިގެން، ސިޔާސީ ފައިދާ ހޯދުމުގެ ނިޔަތުގައި ސިޔާސީ ބައެއް ފަރާތްތަކުން ކުރައްވާ ކަންކަމަށް ޒިންމާވާނީ އެކަންކަން ކުރައްވާ ބޭފުޅުން،" ރައީސްގެ ޕޯސްޓުގައި ވިދާޅުވެފައިވެ އެވެ.

ގުޅުންހުރި - ރައީސް މުއިއްޒުގެ މެނިފެސްޓޯގައިވާ ގޮތުން ހަތް އާބަން ސެންޓަރަކާއި އުތުރާއި ދެކުނުގައި ޑިވެލޮޕްމަންޓް ޒޯނެއް ކަނޑަައަޅާނެ އެވެ. ތަރައްގީގެ ޕްލޭންތައް ރާވާނީ އެ ސަރަހައްދުތަކަށް ބެހިގެންދާ ގޮތަށެވެ. އެގޮތުން: