ފިހާރައެއް ފަޅާލައި ގިނަ އަދަދެއްގެ ފޯނު ވަގަށް ނަގައިފި

މަޖީދީ މަގުގައި ހުންނަ ޒިއޯން މޮބައިލްސް ފިހާރަ ފަޅާލައި ވައްކަން ކޮށްފި އެވެ.

ވީ ކިހިނެއް؟ - ފުލުހުން މިއަދު ބުނީ 'ޒިއޯން މޮބައިލްސް 4؛ ފިހާރައިގެ ބިއްލޫރިގަނޑު ތަޅާލައި އެ ފިހާރައިން ވައްކަން ކޮށްފައިވާ މައްސަލަ ރޭ ފަތިހު 5:35 ހާއިރު ރިޕޯޓުކޮށްފައިވާ ކަމަށެވެ.

ތަފްސީލް - އެ ހާދިސާގެ ވީޑިއޯއެއް ސޯޝަލް މީޑިއާގައި އާންމުވެފައި ވާއިރު، އެ ވީޑިއޯ އިން ފެންނަނީ މަގުމަތިން ހިނގާފައި ދިޔަ މީހެއް އޭނާގެ އަތުގައި އޮތް އެއްޗަކުން ޖަހައި ފިހާރައިގެ ބިއްލޫރިގަނޑު ތަޅާލާ ތަނެވެ. އޭނާ ދެން ހިނގާފައި ދަނީ އެވެ.

އޭގެ ފަހުން އެ މަގުން ދިޔަ ފިރިހެނަކު ފިހާރައިގެ ބިއްލޫރިގަނޑު ތަޅާލާފައި ހުއްޓާ ފެނިގެން އެތާ ކުރިމަތީ އިރުކޮޅަކު ހުންނަ ތަން ފެނެ އެވެ.

ދެން ފެންނަނީ ފިރިހެނަކު ކޮތަޅުތަކެއްގައި ފޯނުތަކެއް ހިފައިގެން ނުކުންނަ ތަނެވެ. އޭނާގެ އަތުގައި ހުރި ކޮތަޅުތަކުން ފޯނުތަކެއް މަގުމައްޗަށް ވެއްޓުމުން އެ އެއްޗެހި ނަގާ ތަން ވެސް ފެނެ އެވެ. އެގޮތުން:

ފުލުހުން ބުނީ އެ މައްސަލައާ ގުޅިގެން 47 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ. އަދި މި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.