ޖެނިފާ އައިއޭއެސްއިން ވަކިކުރީ ގާނޫނާ ހިލާފަށް ކަމަށް ކަނޑައަޅައި ވަޒީފާ ދޭން އަންގައިފި

އައިލެންޑް އޭޭވިއޭޝަން (އައިއޭއެސް)ގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި އާއިޝަތު ޖެނިފާ މަގާމުން ވަކިކުރީ ގާނޫނާ ހިލާފަށް ކަމަށް ކަނޑައަޅައި ވަޒީފާ އަނބުރާ ދިނުމާ އެކު ވަޒީފާ އިން ވަކިކުރުމުން ލިބުނު މާލީ ގެއްލުމުގެ ބަދަލު ދިނުމަށް ވަޒީފާއާ ބެހޭ ޓްރައިބިއުނަލުން އައިއޭއެސްއަށް އަންގައިފި އެވެ.

ވީ ކިހިނެއް؟ - އައިއޭއެސްގެ ޑީއެމްޑީގެ މަގާމަށް ޖެނިފާ އައްޔަންކުރީ މިދިޔަ ސަރުކާރުގައި، 28 ޑިސެމްބަރު 2018ގަ އެވެ. އޭނާ މަގާމުން ވަކިކުރީ މި ސަރުކާރު އައުމަށް ފަހު، 28 ޑިސެމްބަރު 2023ގައި ބޭއްވި ބޯޑު ބައްދަލުުވުމަކުން އެގޮތަށް ނިންމައި މިދިޔަ ޖެނުއަރީ މަހު އެވެ. 

ވަޒީފާ އިން ވަކިކުރީ ގަވައިދާ ހިލާފަށް ކަމަށް ކަނޑައަޅައިދިނުމާ އެކު ބަދަލު ނަގައިދިނުމަށް އެދި ޖެނިފާގެ ފަރާތުން ވަޒީފާއާ ބެހޭ ޓްރައިބިއުނަލަށް މައްސަލަ ހުށަހެޅުއްވީ މިދިޔަ މާޗު މަހު އެވެ.

ތަފްސީލް - ޖެނިފާ ހުށަހެޅުއްވި މައްސަލާގައި ވަނީ:

އައިއޭއެސްގެ ޑީއެމްޑީގެ މަގާމުގެ މުސާރައިގެ ގޮތުގައި ޖެނިފާއަށް މަހަކު 34،304ރ. ލިބިވަޑައިގެންނެވިއިރު، އެ މަގާމުގެ އެހެން އިނާޔަތްތަކުގެ ގޮތުގައި 21،867ރ.އޭނާއަށް ދިނެވެ.

އެ މައްސަލަ ހުށަހަޅަމުން ޖެނިފާ ވިދާޅުވީ އޭނާ މަގާމުން ރިޓަޔާ ކުރުމަށް އައިއޭއެސް އިން ހުށަހެޅި ކަމަށާއި ވަޒީފާ އިން ވަކިކުރަން ކުންފުނީގެ ބޯޑުން ފާސްކުރީ އެކަމަށް ދެކޮޅު ހެދުމުން ކަމަށެވެ.

ވަޒީފާއާ ބެހޭ ގާނޫނުގައި ބުނެފައިވާ ވަޒީފާ އިން ވަކި ކުރެވޭނެ އެއްވެސް ހާލަތެއް މެދުވެރިވެފައި ނުވާކަން ޖެނިފާ ވަނީ ފާހަގަކުރައްވައިފަ އެވެ.

އެ މައްސަލާގައި އައިއޭއެސް އިން ބުނެފައިވަނީ ޑީއެމްޑީގެ މަގާމަކީ 2018ގެ ކުރިން އެ ކުންފުނީގެ ވަޒީފާގެ އޮނިގަނޑުގައި ހިމެނޭ މަގާމެއް ނޫން ކަމަށާއި ޖެނިފާއަށް މަގާމު ދީފައިވަނީ ޑިސެމްބަރު 2018ގައި އެ މަގާމު އުފެއްދުމަށް ފަހު ކަމަށެވެ.

އެ މައްސަލާގައި މި މަހުގެ 13 ވަނަ ދުވަހު ޓްރައިބިއުނަލުން ނިންމާފައިވަނީ ވަޒީފާއާ ބެހޭ ގާނޫނުގެ 29 ވަނަ މާއްދާއަށް ރިއާޔަތްކޮށް، އައިއޭއެސްގެ ޑީއެމްޑީގެ މަގާމުގައި ހުންނެވި އިރު ޖެނިފާއަށް މަހެއްގެ މައްޗަށް ޖުމްލަކޮށް ލިބިވަޑައިގެންނެވި މުސާރަ ކަމަށްވާ 56،171ރ.ގެ ނިސްބަތުން އެއް މަހުގެ މުސާރަ ބަދަލުގެ ގޮތުގައި ދިނުމަށެވެ.

މީގެ އިތުރުން ޓްރައިބިއުނަލުން ނިންމާފައިވަނީ: