އައިޖީއެމްއެޗު (ދައުރު ފޮޓޯ/ މުހައްމަދު އަމާން)
ޖޭޒް ކެފޭ ކައިރީ ހުރި އިމާރާތެއްގެ ފުރާޅުމައްޗަށް ވެއްޓުނު މީހަކަށް ފަރުވާ ދެނީ
މާފަންނު ޖޭޒް ކެފޭ ކައިރީ ހުރި އިމާރާތެއްގެ ފުރާޅު މައްޗަށް ރޭ ވެއްޓުނު މީހަކަށް އައިޖީއެމްއެޗުގައި ފަރުވާ ދޭން ފަށައިފި އެވެ.
ވީ ކިހިނެއް؟ - ފުލުސް އޮފީހުން ބުނި ގޮތުގައި، ރޭ 11 ޖަހާ ބޮޑުވި ފަހުން، ފުރާޅު މައްޗަށް ވެއްޓުނު އެ މީހާ ނެގީ އެމްއެންޑީއެފްގެ އެހީތެރިކަމާ އެކު އެވެ.
ތަފްސީލް - އުމުރުން 35 އަހަރުގެ ދިވެހި އެ ފިރިހެން މީހާއާ ހަވާލާދީ ފުލުހުން ބުނީ، އޭނާ ވެއްޓުނީ ޖެހިގެން ހުރި އިމާރާތަށް ހޮޅިދަނޑިއަކުން އަރަނިކޮށް ކަމަށެވެ. އެކަމަކު ރޭގަނޑު ދަންގަޑިއެއްގައި، ހޮޅިދަނޑިއަކުން ގެއަކަށް އަރަން އުޅުނު ސަބަބެއް ފުލުހުން ނުބުނެ އެވެ.
އަނިޔާވި އެ މީހާ އެންމެ ފުރަތަމަ ގެންދިޔައީ އޭޑީކޭ ހޮސްޕިޓަލަށެވެ. އެކަމަކު މިހާރު އޭނާ ވަނީ އައިޖީއެމްއެޗަށް ބަދަލުކޮށްފަ އެވެ.
އޭނާއަށް ލިބުނު އަނިޔާގެ ތަފްސީލެއް އަދި ސާފުވާ ގޮތެއް ނުވެ އެވެ.
ކޮމެންޓް