އޭޕްރީލްގެ ކުރިން ބިދޭސިންގެ ބަޔޯމެޓްރިކް ޑޭޓާ ނަގާ ނިމޭނެ: އިހުސާން

ބިދޭސިންގެ މައްސަލަ ހައްލު ކުރަން މިދިޔަ އޭޕްރީލް މަހު ފެށި އޮޕަރޭޝަން 'ކުރަނގި' ގެ ދަށުން ބިދޭސިންގެ ބަޔޯމެޓްރިކް ޑޭޓާ ނެގުމުގެ މަސައްކަތް އަންނަ އޭޕްރީލް އާއި ހަމައަށް ނިމޭނެ ކަމަށް ހޯމްލޭންޑް ސެކިޔުރިޓީ މިނިސްޓަރު އަލީ އިހުސާން ވިދާޅުވެއްޖެ އެވެ.

ވީ ކިހިނެއް؟ - ރައީސް އޮފީހުގައި މިއަދު ބާއްވަމުންދާ ނޫސްވެރިންގެ ބައްދަލުުވުމުގައި މިނިސްޓަރު އިހުސާން ވިދާޅުވީ ރާއްޖޭގައު ލިޔެކިޔުން ނެތި އުޅޭ ބިދޭސިންގެ މައްސަލަ 3 އަހަރުން ހައްލު ކުރުމަށް ފެށި އޮޕަރޭޝަން ކުރަނގި ގެ ފުރަތަމަ ފިޔަވަހި މިހާރު މުޅި ރާއްޖެ އަށް ފުޅާކޮށްފައިވާ ކަމަށެވެ.

ތަފްސީލް - އިހުސާން ވިދާޅުވީ މިހާރު އެ އޮޕަރޭޝަން 82 ރަށެއްގައި ކުރިއަށް އެބަދާކަމަށާއި މިހާތަނަށް 6،891 ބިދޭސިންގެ ފިންގަ ޕްރިންޓާއި ބަޔޯމެޓްރިކް ޑޭޓާ ނަގާފައިވާ ކަމަށެވެ.

"އަމާޒަކީ އަންނަ އޭޕްރީލްގެ ކުރިން ފުރަތަމަ ފިޔަވަހީގެ ދަށުން އެ މަސައްކަތް ނިންމުން. މިހާރު މަސައްކަތް ކުރިއަށް ދާގޮތަށް ބަލާއިރު ލަފާކުރެވެނީ ޖެނުއަރީ މަހުގެ ނިޔަލަށް މަސައްކަތް ނިމޭނެ ކަމަށް،" އިހުސާން ވިދާޅުވި އެވެ.

ގުޅުން ހުރި - ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދަން ސަރުކާރުން ކުރާ މަސައްކަތުގެ ދަށުން ބިދޭސީންގެ އައިޑެންޓިޓީ ދެނެގަނެ، އެމީހުންގެ މައުލޫމާތު އެއްކުރުމަށް އޮޕަރޭޝަން 'ކުރަނގި' ކުރިއަށް ގެންދަނީ3 ފިޔަވައްސަކަށް ބަހާލައިގެންނެވެ.