ތ. ވޭމަންޑޫ. އެރަށުގައި ތިބި ސޯޝަލް މިނިސްޓްރީން ބަލަހައްޓާ ކުދިން އެހެން ރަށަކަށް ބަދަލުކޮށްފި
ވޭމަންޑޫ ކުޑަކުދިން ބަލަހައްޓާ ސެންޓަރުގައި ތިބި ކުދިން އެހެން ރަށަކަށް ބަދަލުކޮށްފި
ތ. ވޭމަންޑޫ ފެމިލީ އެންޑް ޗިލްޑްރަން ސާވިސް ސެންޓަރު (އެފްސީއެސްސީ)ގައި ސޯޝަލް މިނިސްޓްރީގެ ދަށުން ބަލަހައްޓަމުންދާ ކުދިން އެހެން ރަށަކަށް ބަދަލުކޮށްފި އެވެ.
ވީ ކިހިނެއް؟ - މިދިޔަ ހަފްތާގެ އަންގާރަ ދުވަހު ވޭމަންޑޫ އެފްސީއެސްސީ ކައިރީގައި މުޒާހަރާކޮށް، ކުއްޖަކު ރަށުން ބާލަން އާންމުން ވަނީ ގޮވާލާފަ އެވެ.
ތަފްސީލް - އެކަމާ ގުޅޭ ގޮތުން ސޯޝަލް މިނިސްޓްރީން މިއަދު 'ދައުރު'އަށް ބުނީ:
-
މިދިޔަ ހުކުރު ދުވަހު އެ ކުދިން އެހެން ރަށަކަށް ބަދަލުކޮށްފައިވޭ
-
އެ ކުދިން ގެންދިޔައީ ކޮން ރަށަކަށް ކަމާއި ކުދިންގެ އުމުރު ހާމަކުރެވޭކަށް ނެތް
އެންގުން މުހިންމު - ވޭމަންޑޫން 'ދައުރު'އާ ވާހަކަދެއްކި މީހަކު ކުރިން ބުނެފައިވާ ގޮތުގައި، އާންމުން އެފްސީއެސްސީ ކުރިމައްޗަށް އެެއްވެ މުޒާހަރާކުރީ އެ މަރުކަޒަށް ގެނެސްފައިވާ 17 އަހަރުގެ ކުއްޖަކު ބައެއް މުވައްޒަފުންނާ މެދު އަމަލުކުރާ ގޮތުން ހިތްހަމަނުޖެހިގެންނެވެ.
"އެ ކުއްޖާގެ އަމަލުތައް އެގޮތަށް ހުންނަތާ ވަރަށް ގިނަ ދުވަސް ވެއްޖެ،" އެ ސަރަހައްދުގައި ހުރެ ވާހަކަ ދެއްކި އެ މީހާ ބުންޏެވެ.
