އަމާންވެއްޓަށް އަމިއްލަ ޖަމިއްޔާއަކުން ބޮޑެތި އެހީތަކެއް

ދައުލަތުގެ ބެލުމުގެ ދަށުގައި ތިބޭ ކުދިން ބެލެހެއްޓުމަށް، ދ. ކުޑަހުވަދޫގައި ގާއިމުކޮށްފައިވާ އަމާންވެށީގައި ގިނަ ވަސީލަތްތަކެއް ގާއިމުކުރުމުގެ މަސައްކަތް އަމިއްލަ ޖަމިއްޔާއަކުން ފަށައިފި އެވެ.

ވީ ކިހިނެއް؟ - ޕަލްސް ހޮޓެލްސް އެންޑް ރިސޯޓްސް އާއި މަންޓާ އެއާ އަދި ދާލު އެއާޕޯޓުގެ އިޖްތިމާއީ ހަރަކާތްތައް ކުރިއަރުވާ ޖަމިއްޔާ، 'ދަ ނޯޓިލަސް ފައުންޑޭޝަން' އިން ކުރާ މި މަސައްކަތުގެ މަގްސަދަކީ، އެ ޖަމިއްޔާއިން ބުނި ގޮތުގައި، ތަނުގެ ވަސީލަތްތައް ރަނގަޅުކޮށް، އެހީއަށް ބޭނުންވާ ކުޑަކުދިންނަށް ރައްކާތެރި އަދި މުއްސަނދި މާހައުލެއް ގާއިމުކުރުމެވެ.

ތަފްސީލް - އެ ޖަމިއްޔާއިން މި މަސައްކަތްފެށީ، އަމާންވެއްޓަށް ޒިޔާރަތްކޮށް، ބޭނުންވާ ހިދުމަތްތައް ދެނެގަތުމަށް ފަހު އެވެ.

ނޯޓިލަސް ފައުންޑޭޝަނުން ބުނި ގޮތުގައި، މި އެހީގެ ދަށުން، އަމާންވެއްޓަށް ބޮޑެތި ބަދަލުތަކެއް ގެންނާނެ އެވެ. އެގޮތުން:

އެ ޖަމިއްޔާއިން ބުނި ގޮތުގައި، އެ މަސައްކަތަށް ބޭނުންވާ މާލީ އަދި ފަންނީ އެހީ ފޯރުކޮށްދީ، މަސައްކަތް ކުރިއަށް ދާ ގޮތް އެ ތަނުން ގާތުން ބަލާނެ އެވެ.

އަމަލީ ގޮތުން މި މަސައްކަތްތައް މިހާރު ވަނީ ފަށައިފަ އެވެ. ނޯޓިލަސް ފައުންޑޭޝަނުން ގަބޫލު ކުރާ ގޮތުގައި، މި ގެންނަ ތަރައްގީގެ ސަބަބުން، އަމާންވެށީގެ ތައުލީމީ އަދި މުނިފޫހިފިލުވުމުގެ ވަސީލަތްތައް ރަނގަޅު ކުރެވޭނެ އެވެ. އަދި މިއީ އެ ކުދިންގެ ތައުލީމާއި ދުޅަހެޔޮކަމާއި މުނިފޫހިފިލުވުމަށް އެޅޭ މުހިއްމު ފިޔަވަޅެއް ކަަމަަށް ބުންޏެވެ.

އެނގުން މުހިއްމު - ދައުލަތުގެ ބެލުމުގެ ދަށުން ރާއްޖޭގެ ފަސް ސަރަހައްދެއްގައި އަމާންވެށި ހިޔާތައް ވަނީ ގާއިމުކޮށްފަ އެވެ. މީގެ ތެރެއިން ގިނަ ކުދިންނަކީ ކުރިން ކުޑަކުދިންގެ ހިޔާ ނުވަތަ ފިޔަވަތީގައި ތިބި ކުދިންނެވެ.