އިންޑިއާ އަސްކަރީ އުޅަނދުތައް ދިވެހިން ދުއްވަން ނުދޭ ސަބަބު އެންމެފަހުން ހާމަކުރަނީ

އިންޑިއާއިން ރާއްޖެއަށް ހަދިޔާކުރި އަސްކަރީ އުޅަނދުތައް ދުއްވަން މީގެ ކުރިން ތަމްރީނުކުރި ދިވެހި ޕައިލެޓުންނަށް އެ ތަކެތި ދުއްވަން ނުދޭ ސަބަބުގެ މައުލޫމާތު ދިނުމަށް އިންފޮމޭޝަން ކޮމިޝަން (އައިމްކޮމް) އިން ނިންމި ނިންމުން ޑިފެންސް މިނިސްޓްރީ އިން ހައިކޯޓުގައި އިސްތިއުނާފު ކުރުމަށްފަހު އެ މައްސަލަ އަނބުރާ ގެންގޮސްފި އެވެ.

ވީ ކިހިނެއް؟ - މައުލޫމާތު ހޯދުމާއި ލިބިގަތުމުގެ ގާނޫނުގެ ދަށުން އެ މައުލޫމާތު ދިނުމަށް ޑިފެންސްގައި އެދުނީ ނޫސްވެރިޔާ ނާޒިމް ހަސަނެވެ. އޭނާ އެދިފައިވާ މައުލޫމާތު ނުދިނުމުން އައިކޮމަށް ހުށަހެޅި ޝަކުވާ ބަލައި މައުލޫމާތުތައް ފޯރުކޮށްދިނުމަށް އެ ކޮމިޝަނުން ޑިފެންސް މިނިސްޓްރީއަށް އެންގީ މިދިޔަ 24 އޮގަސްޓްގަ އެެވެ.

ތަފްސީލް - ސަރުކާރުގެ އޮފިޝަލަކު 'ދައުރު' އަށް ބުނިގޮތުގައި ޑިފެންސް މިނިސްޓްރީގެ ނިންމުން ބަދަލުކޮށް މައްސަލަ މިހާރު ވަނީ އަނބުރާ ގެންގޮސްފަ އެވެ. އެ މައްސަލަ އަނބުރާ ގެންދިޔައީ ރައީސްގެ އެންގެވުމަކަށް ކަމަށް ބައެއް ނޫސްތަކުން ވަނީ ރިޕޯޓުކޮށްފަ އެވެ. އެކަމާ ގުޅިގެން ސަރުކާރުގެ ރަސްމީ ބަހެއް ނުލިބެ އެވެ.

ހޯދަން މައުލޫމާތުތަކުގެ ތެރެއިން ޑިފެންސް މިނިސްޓްރީން ދިނީ މިހާރު ދިވެހިން ތަމްރީންކުރުމުގެ މަސައްކަތް ހިނގަމުންދާ ކަމުގެ މައުލޫމާތު އެކަންޏެވެ. އޭނާ އިތުރަށް އެދިފައިވަނީ:

މި މައުލޫމާތުތައް ނުދިނުމަށް ޑިފެންސް މިނިސްޓްރީން ނިންމީ ގާނޫނުގެ 29 ވަނަ މާއްދާއާ ހަވާލާ ދީފަ އެވެ. އެ މާއްދާގައި ބަޔާންކުރަނީ އެ މައުލޫމާތެއް ހާމަކުރުމުން ގައުމީ ސާލަމަތަށް ނުރައްކާވާ ފަދަ މައުލޫމާތު ސިއްރުކުރުމުގެ އިހުތިޔާރު އޮންނާނެ ކަމަށެވެ.

ނަމަވެސް އެ މާއްދާ ނުހިނގާނެ ކަމަށް ބުނާ މައުލޫމާތުތަކެއް ވެސް އެ މާއްދާގައި ބަޔާންކޮށްފައިވެ އެވެ. އައިކޮމްގެ ނިންމުމުގައި ވަނީ އެދިފައިވާ މައުލޫމާތަކީ ގާނޫނުގެ މާއްދާ ނުހިނގާނެ ކަމަށް ބުނާ މައުލޫމާތުތަކެއް ކަމަށެވެ.

މާއްދާ ނުހިނގާނެ ކަމަށް ބަޔާންކުރާ މައުލޫމާތުތަކަކީ:

ގުޅުންހުރި - ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގައި ރާއްޖޭގައި ތިބި އިންޑިއާ ސިފައިންގެ އަދަދު ސިއްރުކުރުމަށް އައިކޮމުން ނިންމަނީ ވެސް ގައުމީ ސަލާމަތަށް ނުރައްކާވާ ކަމަށް ކަނޑައަޅައިފަ އެވެ. އެކަމަކު އެ ގޮތަށް ކަނޑައެޅީ ގޯސްކޮށް ކަމަށް ހައި ކޯޓުން ފަހުން ނިންމި އެވެ.