ހައްޖު ކޯޕަރޭޝަނުގެ އެމްޑީ މުހައްމަދު ޝަކީލް (ފޮޓޯ/އިސްލާމިކް މިނިސްޓްރީ)
ހައްޖު ކޯޕަރޭޝަނުގެ އެމްޑީ ޝަކީލްގެ ނަމުގައި ސްކޭމް ކޯލުކުރަނީ
ހައްޖު ކޯޕަރޭޝަނުގެ މެނޭޖިން ޑިރެކްޓަރު (އެމްޑީ) މުހައްްމަދު ޝަކީލްގެ ނަމުގައި ސްކޭމު ކޯލު ކުރަމުންދާތީ އެކަމަށް ސަމާލުވުމަށް އޭނާ އިލްތިމާސް ކުރައްވައިފި އެވެ.
ތަފްސީލް - ޝަކީލް ސޯޝަލް މީޑިއާގައި ވިދާޅުވީ އޭނާގެ ފަރާތުން ކަމަށް ބުނެ އެކި މީހުންނަށް ގުޅައި ފައިސާ ހޯދަމުންދާ ކަމުގެ މައުލޫމާތު ލިބިފައިވާ ކަމަށެވެ.
ސްކޭމު ކޯލު މެދުވެރިކޮށް ފައިސާ ހޯދުން އިތުރުވެފައިވާ މި ދުވަސްވަރު އޭނާގެ ނަމުގައި މީހުންނަށް ގުޅަމުންދާ މައްސަލަ ފާހަގަކުރައްވައި ޝަކީލް ވިދާޅުވިގޮތުގައި އެއީ ބޮޑެތި އަދަދުތަކުން ފައިސާ ހޯދުމަށް ކުރަމުންދާ ކޯލްތަކެކެވެ.
އަޅުގަނޑުގެ ފަރާތުން ކަމަށް ބުނެ އަބްދު الله ރަޝީދު، ގ.ދަލާސްޓް (ފޯން ނަންބަރު 7610117 ) ކިޔާ މީހަކު އެކި ފަރާތް ތަކަށް ގުޅައި ފައިސާ ހޯދަމުން ދާކަމަށް އަޅުގަނޑަށް ވަނީ މައުލޫމާތު ލިބިފައެވެ.
— Mohamed Shakeel 🇲🇻 (@schakyyl) October 11, 2024
މިގޮތުން އެކި ފަރާތްތަކުގެ އަތުން ބޮޑެތި އަދަދުތަކުން ފައިސާ ހޯދުމަށް ސްކޭމް ކޯލްތަކެއް…
"އަޅުގަނޑުގެ ފަރާތުން ކަމަށް ބުނެ އެއްވެސް ފަރާތަކުން ފައިސާ ހޯދުމަށް ކުރާ ފޯން ކޯލްތަކަށް އިޖާބަ ނުދިނުމަށް ދަންނަވަމެވެ،" ޝަކީލް ވިދާޅުވި އެވެ.
އޭނާ ވިދާޅުވީ އެ މައްސަލަ ފުލުހުންނަށް ހުށަހަޅާފައިވާ ކަމަށެވެ.