މޯދީ ރާއްޖެއަށް ފުރަމާނަ ދަތުރުފުޅެއް ކުރެއްވުމަށް ރައީސް ދައުވަތު ދެއްވައިފި

އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ފުރަމާނަ ދަތުރުފުޅެއް ކުރެއްވުމަށް ރައީސް މުހައްމަދު މުއިއްޒު މިއަދު ދައުވަތު ދެއްވައިފި އެވެ.

ވީ ކިހިނެއް؟ - އިންޑިއާގެ ރައީސްގެ ދައުވަތަކަށް މިވަގުތު އިންޑިއާއަށް ފަރަމާނަ ދަތުރުފުޅެއްގައި ވަޑައިގެން ހުންނެވި މުއިއްޒު، މޯދީއާ އެކު ދެއްވި ގުޅިފައިވާ ބަޔާނުގައި ވަނީ އެކަން އިއުލާން ކުރައްވާފަ އެވެ.

ތަފްސީލު - ދެ ގައުމުގެ ޒަމާންވީ ވަރުގަދަ ގުޅުމުގެ މައްޗަށް ވާހަކަފުޅު ދައްކަވަމުން ރައީސް މުއިއްޒު ވިދާޅުވީ، އަންނަ އަހަރު ދެ ގައުމުގެ ހާރިޖީ ގުޅުމަށް 60 އަހަރު ފުރޭނެ ކަމަަށެެވެ. އެއާ އެކު، އެ މަނިކުފާނު ވިދާޅުވީ އެ މުނާސަބަތު ފާހަގަކުރުމަށް މޯދީ ރާއްޖެ ވަޑައިގަތުމަށް މިހާރު ދައުވަތު ދެއްވާފައިވާ ކަމަށެވެ.

ފާހަގަކޮށްލެވޭ ކަމެއް - އެންމެ ފަހުން މޯދީ ރާއްޖެއަށް ވަޑައިގެންފައި ވަނީ، ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުގައި ޖޫން 2019ގަ އެވެ. އޭގެ ކުރިން، ރައީސް ސޯލިހް ހުވާ ކުރެއްވުމުގެ ރަސްމިއްޔާތަށް ނޮވެމްބަރު 2018ގައި ވެސް މޯދީ ރާއްޖެ ވަޑައިގެންނެވި އެވެ.