ނޭވާލާ ނިޒާމަށް ޖެހޭ ބައްޔެއް ހަލުއިކަމާ އެކު ކުޑަކުދިންގެ މެދުގައި ފެތުރެނީ

ނޭވާލާ ނިޒާމަށް ޖެހޭ، ރެސްޕިރޭޓަރީ ސިންޝިއަލް ވައިރަސް (އާރުއެސްވީ) ހަލުއިކަމާއެކު ފެތުރެން ފަށައިފި އެވެ. މި ބަލި އެންމެ އާންމުކޮށް ފެތުރެނީ ކުޑަކުދިންގެ ތެރޭގަ އެވެ.

ވީ ކިހިނެއް؟ - ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މިއަދު ބުނިގޮތުގައި ކުޑަކުދިންގެ މެދުގައި އާރުއެސްވީގެ ކޭސްތައް އިތުރުވެ، ހާލަތު ވަނީ ގާތުން މޮނީޓާ ކުރަން ފަށައިފި އެވެ. އެހެންވެ، ބަލި އިތުރަށް ނުފެތުރޭނެ ގޮތަކަށް، މި ދުވަސްވަރު އާއްމުން ބަލައިގެން އުޅުމަށް އެތަނުން އިލްތިމާސް ކުރެ އެވެ.

މި ބަލިން ރައްކާތެރިވުމަށް ކުރެވިދާނެ ކަންތައްތަކުގެ ގޮތުގައި އެޗްޕީއޭއިން ފާހަގަ ކުރީ:

މި ބައްޔާ ގުޅޭގޮތުން ވާހަކަ ދައްކަވަމުން، ކުޑަކުދިންގެ ޑޮކްޓަރު އަބްދުﷲ ނިޔާފް ކުރިން ވިދާޅުވި ގޮތުގައި މިއީ ވައިރަސްއަކުން ޖެހޭ، ބޮޑަށް ނޭވާލާ ނިޒާމަށް ޖެހޭ އިންފެކްޝަނެކެވެ. މި ބަލީގައި ހުމާ އެކު އަރިދަފުސް ފަދަ އަލާމާތްތައް، އިންފްލުއެންޒާއަށް ވުރެ ބޮޑަށް ފާޅުވާ ކަމަށް ޑޮކްޓަރު ވިދާޅުވި އެވެ.

ނިޔާފް ވިދާޅުވި ގޮތުގައި:

އެޗްޕީއޭ އިން ވަނީ ހުން އައުމާއި ކެއްސުމާއި ނޭވާލުމަށް އުނދަގޫވާނަމަ، ވީއެންމެ އަވަހަކަށް ޑޮކްޓަރުގެ ފަރުވާ ހޯދުމަށް އިލްތިމާސްކޮށްފަ އެވެ.