ކަރެކްޝަންސްއިން ބަލަހައްޓަމުން އަންނަ މާފުށީ ޖަލު (ފައިލް ފޮޓޯ/ ޕީއެސްއެމް)
މާފުށީ ޖަލުގައި ހުރި ގައިދީއަކު ދަންޖެހިގެން މަރުވެއްޖެ
ކ. މާފުށީ ޖަލުގައި ޝަރީއަތް ނިމެންދެން ބަންދުކޮށްފައި ހުރި ދިވެހި ފިރިހެނަކު ދަންޖެހިގެން މިއަދު މަރުވެއްޖެ އެވެ.
ވީ ކިހިނެއް؟ - ކުޑަކުއްޖަކަށް ޖިންސީ ހާނިއްކައެއް ކުރި ކަމުގެ ތުހުމަތުގައި ހައްޔަރުކޮށްފައި ހުރި އުމުރުން 62 އަހަރުގެ އެ މީހާ މަރުވެފައިވާކަން ކަރެކްޝަންސް އިން ް'ދައުރު'އަށް ކަށަވަރުކޮށްދެ އެވެ.
ކަރެކްޝަންސްގެ ބަސް - އެ އިދާރާ އިން މިހާރު ވެބްސައިޓުގައި އާންމުކޮށްފައިވާ މައުލޫމާތުތަކުން އެނގޭ ގޮތުގައި:
-
މަރުވެފައި އޮއްވާ ފެނުނީ އަބްދުލް ގަނީ އިސްމާއީލް
-
ދަންޖެހިފައި ހުއްޓާ ފެނުނީ، މިއަދު ހެނދުނު 6:52ގައި؛ އެއާ އެކު ވަގުތުން އޭނާ މާފުށީ ހޮސްޕިޓަލަށް ގެންގޮސްފައިވޭ
-
ޑޮކްޓަރު ވަނީ ހެނދުނު 7:21ގައި އޭނާ މަރުވެފައިވާ ކަމަށް ކަނޑައަޅާފައި
"... މި ސާވިސްއިން ވަނީ ވަގުތުން އެކަން އޭނާގެ އާއިލާއަށާއި އިންސްޕެކްޓާ އޮފް ކަރެކްޝަނަލް ސާވިސްއަށާއި މޯލްޑިވްސް ޕޮލިސް ސާވިސްއަށާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސްއަށާއި ނެޝަނަލް އިންޓެގްރިޓީ ކޮމިޝަނަށް އަންގާފަ އެވެ. އަދި މިކަން އެމްސީއެސްގެ ޕްރޮފެޝަނަލް ސްޓޭންޑަޑް އިން ވަނީ ތަހުގީގުކުރަން ފަށާފަ އެވެ،" ކަރެކްޝަންސްއިން ބުންޏެވެ.
ފާހަގަކޮށްލެވޭ ކަމެއް - މިއީ މަހެއް ތެރޭ ހިނގި މިފަދަ ދެ ވަނަ މަރެވެ. މި މަހުގެ 1 ވަނަ ދުވަހު ލޯބިވެރިޔާ ރަހީނުކޮށް، އަނިޔާކުރި މައްސަލައިގައި ދޫނިދޫ ޖަލުގައި ބަންދުކޮށްފައި ހުރި އާދަމް އަތުހަރު ވެސް ވަނީ ދަންޖެހިގެން މަރުވެފަަ އެވެ.