ރައްޔިތުންގެ މަޖިލީހުގެ ހޮޅުދޫ ދާއިރާގެ މެންބަރު ސައްތާރު ޖަލްސާއެއްގައި ވާހަކަ ދައްކަވަނީ - ފޮޓޯ: މަޖިލީސް
ދައުލަތާ ދެކޮޅަށް ވަކާލާތުކުރި މައްސަލަ: ތަނާޒުލްވި ކަމަށް ޝަރީއަތުން ބުނި ނަމަވެސް ސައްތާރު އެ ވާހަކަ ދޮގުކޮށްފި
ރައްޔިތުންގެ މަޖިލީހުގެ ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު ދައުލަތުގެ އިދާރާއަކާ ދެކޮޅަށް ވަކާލާތު ކުރުމަށް މީގެ ކުރިން ވަޑައިގަތުމަށް ފަހު، އެ މައްސަލައިން އޭނާ މިހާރު ތަނާޒުލްވެފައިވާ ކަމަށް ހައި ކޯޓުން މިއަދު ބުނި މައްސަލަ އޭނާ ދޮގުކޮށްފި އެވެ.
މައްސަލައިގެ ފެށުން - ލޯކަލް ގަވަރުމަންޓް އޮތޯރިޓީ (އެލްޖީއޭ) އަށް ރައްދުވާ ގޮތަށް އަމިއްލަ ފަރާތަކުން ހުށަހެޅި މައްސަލައެއްގައި، މިދިޔަ މަހު 22ގައި ގާނޫނީ ވަކީލެއްގެ ހައިިސިއްޔަތުން ސައްތާރު ވަޑައިގެންނެވި އެވެ. އެ ދުވަހު އެ ކަމާ ދެކޮޅަށް ބަންޑާރަ ނައިބު އޮފީހުން އިއުތިރާޒެއް ވެސް ހުށަހެޅި އެވެ.
ވީ ކިިހިނެއް؟ - ހައި ކޯޓުގައި މިއަދު ބޭއްވި އަޑުއެހުމަށް ސައްތާރު ވަޑައިގެންފައެއް ނުވެ އެވެ. އޭނާ މައްސަލައިން ތަނާޒުލްވެފައިވާ ކަން ފާހަގަކޮށް، މައްސަލަ ހުށަހެޅި މީހާ ވަކީލަކު ހަމަޖައްސަން ފަސް ދުވަހުގެ ފުރުސަތެއް ދީފައި މިއަދުގެ އަޑުއެހުން ނިންމާލި އެވެ.
ކީކޭ ބުނީ؟ - މި ކަމާ ގުޅޭ ގޮތުން ސުވާލު ކުރުމުން މެންބަރު ސައްތާރު 'ދައުރު'އަށް ވިދާޅުވީ އޭނާ މައްސަލައިން ތަނާޒުލް ނުވާ ކަމަށެވެ. އަދި ޝަރީއަތުގެ އަޑުއެހުމުގައި ފަނޑިޔާރުން އެ ގޮތަށް ވިދާޅުވި ސަބަބު ސާފުކުރަން ބޭނުންވާ ކަމަށް ވިދާޅުވި އެވެ.
ސައްތާރު އިތުރަށް ވިދާޅުވި ވާހަކަތަކަކީ:
-
އެލްޖީއޭއާ ދެކޮޅަށް އޭނާ ތަމްސީލުކުރާ ފަރާތުން ހުށަހެޅި އެއް ބާވަތުގެ ދެ މައްސަލައެއް ހައި ކޯޓުގައި ހިނގަމުންދާ ކަމަށް
-
ދައުލަތުން އިއުތިރާޒުކޮށް، ފަނޑިޔާރުން މަސްލަހަތު ފުށުއެރުމާ ގުޅޭ ގޮތުން ސުވާލުކުރެއްވީ މިއަދު ބޭއްވި އަޑުއެހުމުގެ މައްސަލައިގައި ނޫން ކަމަށް
-
މިއަދުގެ އަޑުއެހުމަށް ޗިޓު ނުލިބޭ ކަމަށް
-
ތަނާޒުލް ނުވާކަން ސާފުކޮށްދީ، އަދި ފަނޑިޔާރުން އެހެން ވިދާޅުވި ސަބަބު ބުނެދޭން އެދި ވަރަށް އަވަަހަށް ސިޓީއެއް ފޮނުވާނެ ކަމަށް
"ކުރީގެ އަޑުއެހުމުގައި ވެސް އަޅުގަނޑު ބުނެފައި އޮންނާނީ ތަނާޒުލް ވާނެ ކަމަށް ފަނޑިޔާރުން އެ ގޮތަށް ނިންމިއްޔާ، ތަނާޒުލް ވާން ވެސް އޮވޭ ކޯޓުގައި ޕްރޮސީޖާއެއް، ލިޔުމުން ހުށަހަޅަން ޖެހޭ، އެއިން އެއްވެސް ކަމެއް ނުހިނގާ،" ސައްތާރު ވިދާޅުވި އެވެ.
މައްސަލަ ބައްލަވާ ބެންޗަކީ:
-
1-
ފަނޑިޔާރު މުހައްމަދު ނިޔާޒް (ރިޔާސަތު)
-
2-
ފަނޑިޔާރު މުހައްމަދު ފައިސަލް
-
3-
ފަނޑިޔާރު ހުޒައިފާ މުހައްމަދު
މިއަދު ބޭއްވި އަޑުއެހުން:
ކުރިން ބޭއްވި އަޑުއެހުން:
