ޑިމޮކްރަޓިކް ނިޒާމު ބިނާކުރަން ވާނީ އިސްލާމްދީނުގެ ހަމަތަކާ އެއްގޮތަށް: ރައީސް

ދިވެހި ގައުމު ހިންގުމުގެ ޑިމޮކްރަޓިކް ނިޒާމު ބިނާކުރަން ވާނީ އިސްލާމް ދީނުގެ ހަމަތަކާ އެއްގޮތަށް ކަމަށް ރައީސް މުހައްމަދު މުއިއްޒު މިއަދު ވިދާޅުވެެއްޖެ އެވެ.

ވީ ކިހިނެއް؟ - ކޮންމެ އަހަރެއްގެ ވެސް 15 ސެޕްޓެމްބަރަކީ ދުނިޔޭގެ ޑިމޮކްރަސީ ދުވަހެވެ. މި ދުވަހުގެ މުނާސަބަތުގައި ރައީސް މިއަދު 'އެކްސް'ގައި ކުރެއްވި ޕޯސްޓެއްގައި ވިދާޅުވި ގޮތުގައި ޑިމޮކްރަޓިކް ނިޒާމު ބިނާކުރަން ޖެހޭނީ އިސްލާމް ދީނުގެ ހަމަތަކުގެ އިތުރުން:

އެނގުން މުހިންމު - ޑިމޮކްރަސީ ދުވަސް ފާހަގަކުރަން، 2007 ވަނަ އަހަރު އދ.ގެ އާއްމު މަޖިލީހުން ފާސްކުރީއްސުރެ ކޮންމެ އަހަރަކު ރާއްޖޭގައި ވެސް ދުވަހާ ގުޅޭ ހަރަކާތްތައް ކުރިއަށް ގެންދެ އެވެ. އެގޮތުން މި އަހަރު ގައުމީ ޔުނިވަސިޓީން ވެސް ވަނީ، ޑިމޮކްރަސީ އާއި ޑިމޮކްރެޓިކް ނިޒާމެއްގައި ވެރިކަން ކުރާގޮތާ ގުޅޭ ގޮތުން އާއްމުން ހޭލުންތެރިކުރުމަށް ހަރަކާތްތަކެއް ކުރިއަށް ގެންގޮސްފަ އެވެ.

މި އަަހަރުގެ ޑިމޮކްރަސީ ދުވަހުގެ ޝިއާރަކީ 'ރަނގަޅުވެރިކަމެއްގެ ވަސީލަތެއްގެ ގޮތުގައި އާޓިފިޝަލް އިންޓެލިޖެންސް' އެވެ.